గత బిగ్బాస్ సీజన్లు చూసేవారు ఈ సీజన్‌ చూస్తుంటే వచ్చే ఏకైక డౌట్‌… వీళ్లు తెలుగులో మాట్లాడటం లేదేంటి అని! అంతగా ఇతర భాషల్లో మాట్లాడుతున్నారు హౌస్‌మేట్స్‌. తెలుగులో మాట్లాడటం నేర్చుకుంటా అంటూ ఇంట్లోకి వచ్చిన మోనాల్‌ ఆ పనిని ఎప్పుడో పక్కపెట్టేసింది. మిగిలిన వాళ్ల సంగతి సరేసరి. అఖిల్‌ అయితే మోనాల్‌తోనే మాట్లాడుతున్నాడు కాబట్టి ఇంగ్లీష్‌కే ప్రాధాన్యమిస్తున్నాడు. ఈ విషయాన్ని ఇన్నాళ్లూ గమనించిన బిగ్బాస్ ఈ రోజు పనిష్మంట్‌ చేశాడు. అంతే కాదు సమయపాలన పాటించడం లేదంటూ శిక్ష కూడా వేశాడు.
రోజూ ఉదయాన్నే పాటతో గుడ్‌మార్నింగ్‌ చెప్పే బిగ్బాస్… ఈ రోజు పనిష్మంట్‌తో చెప్పినట్లున్నాడు. ఇంట్లోవాళ్లందరినీ గార్డెన్‌ ఏరియాకు పిలిచి గుంజీలు తీయించాడు. అది కూడా ఏకాసేపో కాదు… మళ్లీ చెప్పేంతవరకు ఆపొద్దని, చెప్పిన ప్రతిసారి చేయాలని షరతు పెట్టాడు. దీంతో హౌస్‌మేట్స్‌ ఆ పనిలో పడ్డారు. ప్రోమో చూస్తుంటే ఈ గుంజీల కాన్సెప్ట్‌ ఒక పూటంతా సాగించినట్లున్నారు. ఇదేదో ముందే చేస్తే వీళ్లంతా సెట్‌ అయ్యేవారు కదా. ఇక మోనాల్‌కు కూడా ఓ శిక్ష పడింది.
తెలుగులోనే మాట్లాడతాం అంటూ బోర్డు మీద రాయించారు. సుజాత ఓ లైన్‌ రాస్తే… దానిని చూసి మోనాల్‌ కింద రాస్తున్నట్లుగా ఉంది. ఇది ఇక్కడితోనే ఆగిందా? బిగ్బాస్ మరిన్ని పనిష్మంట్లు ఇచ్చాడా అనేది ఈ రోజు రాత్రి తెలుస్తుంది. ఈ సీజన్‌లో ఇప్పటివరకు వాడని జైలు కూడా ఈ రోజు వాడతారేమో చూడాలి. మరోవైపు పనిష్మంట్‌ సమయంలోనూ అఖిల్‌ మేట్స్‌కు దూరంగా నిలబడి గుంజీలు తీస్తున్నాడు. ఎందుకోమరి.
బిగ్బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
Home