అనిల్ రావిపూడి.. అప్పుడే ఆఫర్ ఇచ్చేశాడు

December 31, 2020 / 08:09 AM IST

Join Us

వెంకటేష్, వరుణ్ తేజ్ రెండవసారి కలిసి నటిస్తున్న చిత్రం F3. ఎఫ్2 సినిమాను ప్రాంఛైజ్ గా వాడుకొని దర్శకుడు అనిల్ రావిపూడి క్రియేట్ చేస్తున్న ఈ ఎంటర్టైన్మెంట్ మూవీపై అంచనాలు ఏ రేంజ్ లో ఉన్నాయో స్పెషల్ గా చెప్పనవసరం లేదు. ప్రస్తుతం సినిమాకు సంబంధించిన షూటింగ్ పనులు శరవేగంగా కొనసాగుతున్నాయి. అంచనాలకు తగ్గట్లుగానే దర్శకుడు వెండితెరపై మ్యాజిక్ క్రియేట్ చేస్తాడని అనిపిస్తోంది. ఇక సినిమాలో డబ్బు అనే మరో ఎలిమినెట్ కలిపి దాని చుట్టే ఫన్ క్రియేట్ చేస్తున్నారని ముందే క్లారిటి ఇచ్చారు.

ఇక అసలు మ్యాటర్ లోకి వస్తే.. కమెడియన్ కనిపిస్తే తనదైన శైలిలో ఉపయోగించుకునే దర్శకుడు అనిల్ రావిపూడి బిగ్ బాస్ కంటెస్టెంట్ ను కూడా F3లో వాడుకోబోతున్నట్లు తెలుస్తోంది. అతను మరెవరో కాదు. ముక్కు అవినాష్. జబర్దస్త్ నుంచి బిగ్ బాస్ కు వెళ్ళిన అవినాష్ బెస్ట్ ఎంటర్టైన్మెంట్ కంటెస్టెంట్ గా క్రేజ్ అయితే అందుకున్నాడు. ఇక ఇటీవల ఇచ్చిన ఇంటర్వ్యూలో కూడా అవినాష్ అనిల్ రావిపూడి ఇచ్చిన మాటను గుర్తు చేసుకున్నారు.

మంచి టైమింగ్ ఉంది నీలో.. ఒకసారి ఆఫీస్ కు రమ్మని కూడా చెప్పినట్లు అవినాష్ వివరణ ఇచ్చారు. దీంతో అనిల్ రావిపూడి మనోడికి ఎఫ్3లో మంచి క్యారెక్టర్ ఇచ్చినట్లుగా ఇన్ సైడ్ టాక్ వస్తోంది. అలాగే మరో పెద్ద సినిమాలో కూడా ఛాన్స్ వచ్చిందని చెప్పిన అవినాష్ ఆ ప్రాజెక్టు వివరాలు సీక్రెట్ గా ఉంచాడు. జబర్దస్త్ రానివ్వకపోయినప్పటికి అవినాష్ త్వరలో నటుడిగా బిజీ కానున్నట్లు అర్ధమవుతోంది.