బుల్లితెరపై బిగ్ బాస్ షో ఎంత పాపులర్ అయిందో తెలిసిందే. రీసెంట్ గా బిగ్ బాస్ సీజన్ 5 పూర్తి చేసుకుంది. ఈ సీజన్లో కంటెస్టెంట్స్ చేసినంత రచ్చ ఏ సీజన్ లో కనిపించలేదు. ముద్దులు, హగ్గులు అంటూ రెచ్చిపోయారు. సిరి, షణ్ముఖ్ ల రొమాన్స్ నెట్టింట్లో ఏ రేంజ్ లో ట్రోలింగ్ కి గురైందో తెలిసిందే. ఇప్పటివరకు టీవీకి మాత్రమే పరిమితం చేసిన ఈ షో.. ఇప్పుడు ఓటీటీ వెర్షన్ కోసం రెడీ అవుతోంది.
ఇప్పటికే హిందీ బిగ్ బాస్ ఓటీటీ వెర్షన్ రచ్చ చేసింది. తమిళంలో కూడా ఓటీటీ వెర్షన్ మొదలైంది. అక్కడ కంటెస్టెంట్స్ ను కూడా రివీల్ చేశారు. ఇప్పడు తెలుగులో మొదలుపెట్టారు. రీసెంట్ గానే ఈ షోకి సంబంధించిన లోగోను విడుదల చేశారు. తాజాగా ఈ షోకి సంబంధించిన ప్రోమోను విడుదల చేశారు. దీన్ని కాస్త వెరైటీగా డిజైన్ చేశారనే చెప్పాలి. ఈ ప్రోమోలో వెన్నెల కిషోర్, మురళీ శర్మ, నాగార్జున కలిసి నటించారు.
ఉరిశిక్ష పడ్డ ఖైదీ బిగ్ బాస్ షో చూడాలని కోరుకోగా.. గంటే కదా అని పర్మిషన్ ఇస్తారు పోలీసులు. కానీ అది రోజు మొత్తం టెలికాస్ట్ అవుతూనే ఉంటుంది. దీంతో అందరూ కలిసి షోని చూస్తూ ఎంజాయ్ చేసినట్లుగా ప్రోమోను కట్ చేశారు. చివర్లో నాగార్జున.. ‘నో కామా, నో ఫుల్ స్టాప్, ఇప్పుడు బిగ్ బాస్ అవుతుంది నాన్ స్టాప్’ అంటూ చెప్పిన డైలాగ్ వింటే ఎంటర్టైన్మెంట్ మాములుగా ఉండదనిపిస్తుంది.
ఇక ఈ ఓటీటీ వెర్షన్ కోసం బిగ్ బాస్ షోలో గత సీజన్లో పాల్గొన్న కంటెస్టెంట్లు ఉండబోతోన్నట్టు సమాచారం. ఐదో సీజన్ నుంచి ఏకంగా ఐదుగురు కంటెస్టెంట్లు రాబోతోన్నారట. అందులో సరయు ఉందని తెలుస్తోంది. నాలుగో సీజన్ నుంచి అరియానా అఖిల్ కూడా రాబోతోన్నారట. త్వరలోనే కంటెస్టెంట్స్ విషయంపై క్లారిటీ రంగాఉంది.
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
