శ్రీదేవి జీవితంపై సినిమా

ప్రస్తుతం మహానటి సావిత్రి జీవితం ఆధారంగా కీర్తి సురేష్ టైటిల్ పాత్రలో ‘మహానటి’ చిత్రాన్ని నిర్మిస్తున్న అశ్వినీదత్ ఆ సినిమా అనంతరం శ్రీదేవి జీవితం ఆధారంగా ఒక బయోపిక్ ను తెరకెక్కించనున్నట్లు తెలుస్తోంది. శ్రీదేవి బ్లాక్ బస్టర్ హిట్స్ లో ఒకటైన “జగదేక వీరుడు అతిలోక సుందరి” చిత్రాన్ని నిర్మించిన అశ్వినీదత్ ఆమె మీద ఉన్న అభిమానంతో ఈ బయోపిక్ ను నిర్మించనున్నట్లు తెలుస్తోంది. ఈ చిత్రానికి ఎవరు దర్శకత్వం వహిస్తారు, స్క్రిప్ట్ లో శ్రీదేవి నిజజీవిత సంఘటనలను మాత్రమే చిత్రీకరిస్తారా లేక కల్పిత సన్నివేశాలను కూడా జోడించి ఫక్తు కమర్షియల్ సినిమాగా మలుస్తారో చూడాలి.

అయితే.. ఈ చిత్రంలో శ్రీదేవిగా యంగ్ బ్యూటీ రకుల్ ప్రీత్ సింగ్ నటించే అవకాశాలు పుష్కలంగా ఉన్నాయి. తెలుగు, తమిళం, హిందీ భాషల్లో తెరకెక్కనున్న ఈ చిత్రం కోసం వర్మ కూడా వర్క్ చేయనున్నాడని వినికిడి. త్వరలోనే ఈ చిత్రానికి సంబంధించిన అఫీషియల్ కన్ఫర్మేషన్ రానుంది. అన్నీ సరిగ్గా కుదిరితే ఏప్రిల్ లేదా మే కల్లా రెగ్యులర్ షూట్ స్టార్ట్ చేద్దామని ప్లాన్ చేస్తున్నారు. చూడాలి మరి అత్యంత ప్రాముఖ్యత సంతరించుకోనున్న ఈ బయోపిక్ కోసం ఇంకెంత మంది నటీనటులు స్క్రీన్ షేర్ చేసుకొంటారో.