యంగ్ టైగర్ ఎన్టీఆర్ ఫుల్ జోష్ లో ఉన్నారు. జనతా గ్యారేజ్ విజయాన్నీ ఆస్వాదిస్తున్నారు. మూడు నెలలుగా కొత్త కథ కోసం గాలిస్తున్నారు. డిఫరెంట్ కాన్సెప్ట్ తో ప్రెష్ స్టోరీ లైన్ వినిపిస్తే ఏ డైరక్టర్ తోనైనా పని చేయడానికి సిద్ధమవుతున్నారు. ఈ క్రమంలోనే ఆయన యువ దర్శకుల కథలను ఓపికగా వింటున్నారు. రీసెంట్ గా దర్శకుడు బాబీ తారక్ కు ఒక కథ చెప్పినట్లు తెలిసింది. మాస్ మహారాజ్ రవితేజ తో పవర్ అనే బ్లాక్ బస్టర్ తీసిన ఈ డైరక్టర్, ఆ తర్వాత సర్ధార్ గబ్బర్ సింగ్ తో అపజయాన్ని ఎదుర్కొన్నారు.
దీంతో హిట్ కొట్టాలని కసితో రవితేజ కోసం మంచి కథను రెడీ చేశారు. ఇప్పట్లో మాస్ మహా రాజ్ సినిమా చేసే ఆలోచన లేకపోవడంతో అదే కథను ఎన్టీఆర్ కి వినిపించారు. ఆ స్టోరీ ఎన్టీఆర్ కి భలే నచ్చిందంట. పూర్తి స్క్రిప్ట్ తో రమ్మని ప్రోత్సహించడంతో బాబీ ఎంతో ఆనందంతో వర్క్ లో పడినట్లు సమాచారం. ఎన్టీఆర్ ఇమేజ్ ని దృష్టిలో ఉంచుకుని కథకు సరికొత్త హంగులు జోడిస్తున్నట్లు తెలిసింది. డిసెంబర్ నాటికి స్క్రిప్ట్ పూర్తి అయితే జనవరిలో బాబీ, ఎన్టీఆర్ కాంబినేషన్లో మూవీ సెట్స్ మీదకు వెళ్లడం ఖాయమని తారక్ సన్నిహితులు చెబుతున్నారు.
Also, do SUBSCRIBE to our YouTube channel to get latest Tollywood updates.
