నయనతార కంటే ముందే లేడీ ఓరియెంటెడ్ సినిమాలు చేసి.. వాటితో హిట్లు కొట్టి స్టార్ హీరోయిన్ గా ఎదిగింది అనుష్క. నయన్ సినిమాలు గట్టిగా రూ.15 కోట్ల వరకే కలెక్ట్ చేస్తాయి. కానీ అనుష్క నటించిన ‘అరుంధతి’ ‘భాగమతి’ వంటి చిత్రాలు రూ.30 కోట్ల పైనే వసూళ్ళను రాబట్టాయి. అనుష్క ఇమేజ్ కు కరెక్ట్ సినిమా పడితే.. బాక్సాఫీస్ వద్ద కలెక్షన్ల వర్షం కురవడం ఖాయం. ‘బాహుబలి’ తర్వాత ఆమె క్రేజ్ మరింత పెరిగింది. హిందీలో కూడా అనుష్క పాపులర్ అయ్యింది.
గతేడాది అనుష్క నటించిన ‘నిశ్శబ్దం’ చిత్రాన్ని థియేటర్లు కనుక తెరిచి ఉంటే బాలీవుడ్లో కూడా రిలీజ్ చేద్దాం అనుకున్నారు దర్శకనిర్మాతలు. కానీ ఫైనల్ గా దానిని ఓటిటిలో విడుదల చేశారు లెండి. అయితే అనుష్క తన క్రేజ్ ను క్యాష్ చేసుకోవడం లేదు. ఆమెకు ఎన్ని ఆఫర్లు వచ్చినా సరే ఆ సినిమాలో తన పాత్రకు ప్రాముఖ్యత ఉంటేనే చేస్తాను అని చెబుతుందట. గ్లామర్ రోల్స్ చెయ్యడానికి ఆమె రెడీ గా లేదని వినికిడి. ఇదిలా ఉండగా..
ఓ బాలీవుడ్ స్టార్ హీరో అనుష్కతో నటించాలని ఆసక్తి చూపిస్తున్నాడట. ఆ హీరో మరెవరో కాదు రన్బీర్ కపూర్. ప్రస్తుతం అతను ‘బ్రహ్మాస్త్ర’ సినిమాలో నటిస్తున్నాడు. ఇది 3 పార్టులుగా తెరకెక్కనుంది. పాన్ ఇండియా ప్రాజెక్టు గానే ఇది రూపొందుతోంది. ఈ నేపథ్యంలో ఏదో ఒక పార్ట్ లో అనుష్కను తీసుకోవాలని రన్బీర్ దర్శకనిర్మాతలను కోరాడట.వారు కూడా ఈ బాహుబలి నటిని ఎంపిక చేసుకోవడానికి ఇంట్రెస్ట్ చూపిస్తున్నారట.ఈ క్రమంలో వారు అనుష్కను సంప్రదించే ప్రయత్నాలు కూడా చేస్తున్నారని వినికిడి. మరి ఆమె యెస్ చెబుతుందో లేక నొ చెబుతుందో చూడాలి..!
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
