దర్శకధీరుడు రాజమౌళికి గతంలో శ్రీదేవి కుటుంబంతో చిన్న వివాదం చోటుచేసుకున్న సంగతి తెలిసిందే. ‘బాహుబలి’ సినిమాలో శివగామి పాత్ర కోసం ముందుగా శ్రీదేవిని అడిగితే ఆమె రెమ్యునరేషన్ ఎక్కువ డిమాండ్ చేశారని.. ఒక హోటల్ ఫ్లోర్ మొత్తం తమకోసం బుక్ చేయాలని.. తనతో పాటు వచ్చే వ్యక్తిగత సిబ్బందికి బిజినెస్ క్లాస్ టికెట్లు ఇవ్వాలని డిమాండ్ చేసినట్లు.. దర్శకుడు రాజమౌళి ఓ ఇంటర్వ్యూలో చెప్పడం అప్పట్లో దుమారం రేపింది. ఆ తరువాత శ్రీదేవి స్పందించి.. రాజమౌళి వ్యాఖ్యలను ఖండిస్తూ స్టేట్మెంట్ ఇచ్చింది.
ఆ వివాదాన్ని అక్కడితో వదిలేశారు రాజమౌళి. కానీ ఇప్పుడు రాజమౌళిపై శ్రీదేవి భర్త బోనీకపూర్ చేసిన వ్యాఖ్యలు హాట్ టాపిక్ గా మారాయి. బోనీకపూర్ నిర్మాణంలో తెరకెక్కుతున్న ‘మైదాన్’ సినిమాను దసరా రోజున రిలీజ్ చేయడానికి నిర్ణయించినట్లు ఆరు నెలల క్రితమే ప్రకటించారు. ఇప్పుడు అదే డేట్ న ‘ఆర్ఆర్ఆర్’ని రిలీజ్ చేస్తున్నట్లు వెల్లడించారు. దీనిపై బోనీకపూర్ ఘాటు విమర్శలు చేశారు. రాజమౌళికి ఎథిక్స్ లేవని మండిపడ్డారు. అంతటితో ఆగకుండా.. తన భార్యతో రాజమౌళికి ఉన్న పాత వివాదాన్ని మళ్లీ బయటకి లాగారు. శ్రీదేవి అన్ప్రొఫెషనల్ అంటూ రాజమౌళి అప్పట్లో వ్యాఖ్యానించాడని..
కానీ నిజానికి రాజమౌళే అన్ప్రొఫెషనల్ అని ఓ మీడియా సంస్థతో వ్యాఖ్యానించారు. సీనియర్ల పట్ల రాజమౌళికి ఎంతమాత్రం గౌరవం లేదని.. నైతికత లేకుండా వ్యవహరిస్తున్నారని బోనీకపూర్ చెప్పడం బాలీవుడ్ వర్గాల్లో చర్చకు దారి తీసింది.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
