2025 సంక్రాంతి పండుగకు ఇప్పటికే ఎక్కువ సంఖ్యలో సినిమాలు ఫిక్స్ అయ్యాయి. విశ్వంభర సినిమా 2025 సంవత్సరం సంక్రాంతి పండుగ కానుకగా రిలీజ్ కానుంది. అయితే ఎన్బీకే 109 కూడా సంక్రాంతి పండుగ కానుకగానే రిలీజ్ కానుందని తెలుస్తోంది. బాలయ్య ప్రస్తుతం పొలిటికల్ కార్యక్రమాలతో బిజీగా ఉండగా ఎన్నికల ఫలితాలు వెలువడే వరకు బాలయ్య షూటింగ్ లో పాల్గొనే ఛాన్స్ అయితే లేదు.
జూన్ తర్వాత బాలయ్య షూటింగ్ లో పాల్గొని దసరాకు ఈ సినిమాను రిలీజ్ చేయాలన్నా దసరాకు అటూఇటుగా ఏ సినిమాను రిలీజ్ చేసే ఛాన్స్ లేదు. అందువల్ల బాలయ్య 109వ సినిమా 2025 సంక్రాంతి కానుకగానే రిలీజయ్యే ఛాన్స్ ఉంది. ఈ సినిమాకు వీరమాస్ అనే టైటిల్ ను పరిశీలిస్తుండగా అదే టైటిల్ ఈ సినిమాకు ఫిక్స్ అవుతుందో లేదో చూడాల్సి ఉంది.
గతేడాది వీరసింహారెడ్డి, వాల్తేరు వీరయ్య సినిమాలు ఒక్కరోజు గ్యాప్ లో థియేటర్లలో విడుదలయ్యాయి. మరోసారి చిరంజీవి, బాలయ్య సినిమాలు ఒకే సమయంలో విడుదలైనా అదే ఫలితం రిపీట్ అవుతుందని ఫ్యాన్స్ ఫీలవుతున్నారు. సంక్రాంతి పండుగకు ఎక్కువ సంఖ్యలో సినిమాలు విడుదలైనా సినిమాలు బాగుంటే అన్ని సినిమాలను ప్రేక్షకులు ఆదరిస్తారు.
అందువల్ల చిరంజీవి, బాలయ్య సినిమాలు బాక్సాఫీస్ ను షేక్ చేసే ఛాన్స్ ఉంటుందని ఫ్యాన్స్ ఫీలవుతున్నారు. వాల్తేరు వీరయ్య సినిమా తర్వాత బాబీ డైరెక్షన్ లో తెరకెక్కుతున్న సినిమా ఇదే కావడం గమనార్హం. బాలయ్య కోసం బాబీ పవర్ ఫుల్ స్టోరీని సిద్ధం చేశారని ఈ సినిమాతో వరుసగా మూడు విజయాలు అందుకున్న బాలయ్య డబుల్ హ్యాట్రిక్ దిశగా అడుగులు వేస్తారని ఫ్యాన్స్ భావిస్తున్నారు. చిరంజీవి, బాలయ్య సినిమాలు బాక్సాఫీస్ వద్ద పోటీ పడితే ఈ సినిమాలపై అంచనాలు మరింత పెరుగుతాయని చెప్పడంలో సందేహం అక్కర్లేదు. బాలయ్య తన సినిమాలలో యాక్షన్ సీన్స్ స్పెషల్ గా ఉండేలా ప్లాన్ చేసుకుంటున్నారు.
