ఒకప్పుడు స్టార్ హీరో సినిమా అంటే అందులో కచ్చితంగా బ్రహ్మానందం ఉండాల్సిందే. కానీ ఈ మధ్యకాలంలో ఆయన సినిమాలు బాగా తగ్గించేశారు. వయసు రీత్యా ప్రస్తుతం ఆయన కొన్ని సినిమాలకు మాత్రమే సమయం కేటాయిస్తున్నారు. ఈ క్రమంలో ఆయన నటిస్తోన్న తాజా సినిమా ‘మాచర్ల నియోజకవర్గం’కి సంబంధించి ఓ వార్త సోషల్ మీడియాలో చక్కర్లు కొడుతోంది. ఇప్పుడు ఈ సినిమా నుంచి బ్రహ్మానందంను తొలగించినట్లు వార్తలు వస్తున్నాయి. దీంతో టాలీవుడ్ లో ఈ వార్త హాట్ టాపిక్ గా మారింది.
నితిన్ కి, బ్రహ్మానందంకి మధ్య ఏం జరిగిందని..? ఆయనను సినిమా నుంచి తప్పించేంత పెద్ద విషయం ఏం జరిగిందా అని ఆరా తీయగా.. ఓ విషయం వెలుగులోకి వచ్చింది. ఈ సినిమా షూటింగ్ కోసం చిత్రబృందం వైజాగ్ వెళ్లిందట. పదిరోజుల పాటు ప్లాన్ చేసుకున్న ఈ షెడ్యూల్ లో నితిన్ తో పాటు బ్రహ్మానందం కూడా పాల్గొనాల్సి ఉందట. కానీ బ్రహ్మానంద అనుకున్న సమయానికి షూటింగ్ కి రాకపోవడం,
డైరెక్టర్ చెప్పినట్లు చేయకపోవడంతో ఆయన్ను సినిమా నుంచి తీసేయాల్సిన పరిస్థితులు ఏర్పడ్డాయట. అయితే దీనికి కొత్త దర్శకుడు ఎంఎస్ రాజశేఖర్ ఎలాంటి కామెంట్ చేయలేదు. ఈ సినిమాను నితిన్ తన సొంత బ్యానర్ లో నిర్మిస్తున్నారు. బ్రహ్మానందం తీరుతో విసిగిపోయిన నితిన్ ఆయన్ను పక్కన పెట్టినట్లు వార్తలొస్తున్నాయి.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
Home