తెగ టెన్షన్ పడిపోతున్న “బ్రహ్మోత్సవం” ఓవర్సీస్ డిస్ట్రిబ్యూటర్లు!

మహేష్ బాబు తాజా చిత్రం “బ్రహ్మోత్సవం” మే 20న విడుదలయ్యేందుకు సన్నద్ధమవుతుండగా.. ఈ సినిమా బిజినెస్ ఇప్పటికే 70 కోట్లు దాటి, అందర్నీ అమితంగా ఆశ్చర్యపరిచింది. ఇప్పుడీ “బ్రహ్మోత్సవం” ఓవర్సీస్ రైట్స్ కోసం డిస్ట్రిబ్యూటర్లు వెచ్చించిన భారీ మొత్తం ఎంతో విని అందరూ నోరెళ్లెబేడుతున్నారట. ఏకంగా 13 కోట్ల రూపాయల భారీ మొత్తం చెల్లించి మరీ..

“బ్రహ్మోత్సవం” ఓవర్సీస్ రైట్స్ సొంతం చేసుకొన్నారట అక్కడి డిస్ట్రిబ్యూటర్లు. మహేష్ బాబు భార్య నమ్రత పర్యవేక్షణలో ఈ డీల్ జరిగిందని తెలుస్తోంది. పవన్ కళ్యాణ్ “సర్దార్ గబ్బర్ సింగ్” 10.5 కోట్లకు కొన్నప్పుడే అందరూ ఆశ్చర్యపోయారు. కానీ ఇప్పుడు బ్రహ్మోత్సవం ఏకంగా 13 కోట్లకు అమ్ముడుపోవడంతో అవక్కాయ్యారు.

ఓవర్సీస్ లో మహేష్ బాబుకు ఉన్న క్రేజ్ మరియు అతడి మునుపటి చిత్రాలు వసూలు చేసి మొత్తాన్ని దృష్టిలో ఉంచుకొనే డిస్ట్రిబ్యూటర్లు ఈ డేరింగ్ స్టెప్ తీసుకొన్నారని తెలుస్తోంది. మరి.. “బ్రహ్మోత్సవం” సినిమా ఆస్థాయిలో ఆడి, వారికి లాభాలు తెచ్చిపెడుతుందో లేదో తెలియాలంటే మే 19 వరకూ వేచి చూడాల్సిందే!