సినిమా ఇండస్ట్రీలో స్టార్ హీరో సినిమాకు దర్శకత్వం వహించే ఛాన్స్ ను సొంతం చేసుకోవడం కంటే ఆ సినిమాతో కచ్చితంగా సక్సెస్ సాధించడం సవాల్ కాగా బుచ్చిబాబు తొలి సినిమాతోనే దర్శకుడిగా ఒక మెట్టు పైకి ఎదిగారు. ఉప్పెన సినిమా 100 కోట్ల రూపాయల గ్రాస్ కలెక్షన్లను సొంతం చేసుకుని రికార్డులు సృష్టించింది. అయితే ఉప్పెన తర్వాత స్టార్ హీరో సినిమాకు డైరెక్షన్ వహించాలని బుచ్చిబాబు ఎంతో సమయం ఖాళీగా ఉన్నారు.
మొదట జూనియర్ ఎన్టీఆర్ తో సినిమా తీయాలని బుచ్చిబాబు భావించినా తారక్ మూడు సినిమాలకు గ్రీన్ సిగ్నల్ ఇవ్వడంతో బుచ్చిబాబుకు సులువుగా ఛాన్స్ దక్కలేదు. అదే సమయంలో సినిమా ఇండస్ట్రీలో తొలి సినిమాతో హిట్ కొట్టిన డైరెక్టర్లు రెండో సినిమాతో ఆశించిన ఫలితాన్ని అందుకోని సందర్బాలు ఎక్కువగా ఉన్నాయి. ద్వితీయ విఘ్నం సెంటిమెంట్ ను బ్రేక్ చేసిన దర్శకులను వేళ్ల మీద లెక్క పెట్టవచ్చు.
ఈ సెంటిమెంట్ ను బుచ్చిబాబు బ్రేక్ చేస్తారో లేదో తెలియాలంటే మాత్రం మరి కొంతకాలం ఆగాల్సిందే. ఉప్పెన సక్సెస్ తో బుచ్చిబాబు రెమ్యునరేషన్ భారీ స్థాయిలో పెరిగింది. బుచ్చిబాబుతో పని చేయాలని ఆసక్తి చూపిస్తున్న హీరోలు ఎంతోమంది ఉన్నారు. స్పోర్ట్స్ బ్యాక్ డ్రాప్ లో చరణ్ బుచ్చిబాబు కాంబో సినిమా తెరకెక్కుతుందని వార్తలు వినిపిస్తుండగా ఆ వార్తల్లో నిజానిజాలు తెలియాల్సి ఉంది.
ఉప్పెన సినిమాకు నేషనల్ అవార్డ్ రావడంతో బుచ్చిబాబుపై ఒత్తిడి మరింత పెరిగింది. తర్వాత సినిమాలతో విజయాలను సాధిస్తే మాత్రమే స్టార్ డైరెక్టర్ల జాబితాలో బుచ్చిబాబు చేరే అవకాశం ఉంటుంది. బుచ్చిబాబు సినిమాల స్క్రీన్ ప్లే విషయంలో సుకుమార్ తన వంతు సహాయం చేస్తున్నారని తెలుస్తోంది. త్వరలో చరణ్ బుచ్చిబాబు కాంబో మూవీ షూట్ మొదలుకానుండగా చరణ్ బుచ్చిబాబు కాంబో సినిమా భారీ బడ్జెట్ తో తెరకెక్కుతోందని తెలుస్తోంది.
