సీలెబ్రిటీల వివాహాలకు అయ్యే ఖర్చు లెక్కలు చుక్కల్లో ఉంటాయి. మరి వాడి విడాకుల విషయం కూడా కాస్ట్లీనే. కారణం చిన్నదైనా పెద్దదైనా కాంప్రమైజ్ అవి బ్రతకడం వారికి ఇష్టం ఉండదు. పిల్లలు వున్నా, ఏ వయసైనా విడిపోవాలని ఆలోచ వస్తే విడిపోవడమే. ఐతే సెలెబ్రిటీలుగా కోట్లకు పడగలెత్తిన ఈ స్టార్లు తమ మాజీ భార్యలకు భారీగా భరణం ముట్ట చెప్పారు. మరి సెలెబ్రిటీల లైఫ్ లో జరిగిన కాస్ట్లీ విడాకుల గురించి ఇప్పుడు చూద్దాం…
ప్రభు దేవా-రమాలత
కొరియోగ్రాఫర్ కమ్ హీరో కమ్ డైరెక్టర్ ప్రభుదేవ తన భార్య రమాలతకు 2011లో విడాకులు ఇచ్చారు. 2009లో నయనతారతో ఎఫైర్ పెట్టుకున్న ప్రభుదేవ ఆమెను పెళ్లి చేసుకోవడానికి రమాలతకు విడాకులు ఇచ్చారు. ఈ విడాకుల వ్యవహారంలో 25కోట్ల రూపాయల విలువ చేసే ఆస్థులు, ఖరీదైన కార్లు, కొంత డబ్బు రమాలత భరణంగా తీసుకున్నారట. ఇంత చేసీ పాపం నయనతారను ఆయన పెళ్లి చేసుకుంది లేదు.
హృతిక్ రోషన్-సుస్సానె ఖాన్
2000లో ప్రేమించి పెళ్లి చేసుకున్న హృతిక్ రోషన్ – సుజానే ఖాన్ 2014లో విడాకులు తీసుకున్నారు. హ్రితిక్ రోషన్ కి హీరోయిన్స్ తో ఉన్న అక్రమ సంబంధాలను సాకుగా చూపి ఆమె విడాకులు కోరింది. ఈ విడాకుల వ్యవహారంలో ఏకంగా 400కోట్లు ఆమె భరణంగా అడగడం విశేషం. వీరికి ఇద్దరు పిల్లలు కాగా విడాకుల తరువాత ఈ మధ్య సన్నిహితంగా ఉంటున్నట్లు సమాచారం ఉంది. హృతిక్ రోషన్ ప్రస్తుతం ఒంటరిగానే ఉంటున్నాడు.
అమీర్ ఖాన్- రీనా దత్త
బాలీవుడ్ స్టార్ హీరో అమీర్ ఖాన్ 1986లో రీనా దత్ ని ప్రేమ వివాహం చేసుకున్నారు. కారణం ఏదైనా 2000లో విడాకులు తీసుకొని వీరిద్దరు విడిపోయారు. వీరికి ఇద్దరు పిల్లలు ఉన్నారు. ఆ సమయంలోనే విడాకుల భరణం క్రింద 10 కోట్ల వరకు రీనా దత్త తీసుకున్నారట. ఆ తరువాత అమీర్ ఖాన్ 2005లో కిరణ్ రావ్ ని పెళ్లి చేసుకున్నారు.
సంజయ్ దత్- రియా పెళ్ళై
1996లో తన మొదటి భార్య రిచాశర్మ మరణించిన తరువాత 1998లో రియా పిళ్ళై ని సంజయ్ దత్ వివాహం చేసుకున్నారు. పదేళ్ల కాపురం తరువాత 2008లో వీరిద్దరి మధ్య మనస్పర్థలు చోటు చేసుకున్నాయి. దీనితో 2008లో విడాకులు తీసుకున్నారు. ఇక సంజయ్ దత్ రియా పిళై కు భరణం క్రింద 8 కోట్ల రూపాయలు ఇచ్చారట. అదే ఏడాది సంజయ్ దత్ మాన్యత దత్ ని మూడో వివాహం చేసుకున్నారు.
కరిష్మా కపూర్- సంజయ్ కపూర్
కపూర్ ఫ్యామిలీ నుండి స్టార్ హీరోయిన్ గా కొనసాగిన కరిష్మా కపూర్ 2003లో ప్రముఖ పారిశ్రామికవేత్త సంజయ్ కపూర్ ని పెళ్లాడింది. ఐతే 2016లో వీరిద్దరూ మ్యూచువల్ కన్సెన్ట్ పై విడాకులు తీసుకున్నారు. ఈ విడాకుల కారణంగా కరిష్మా కపూర్ కి పెద్ద మొత్తంలో ముట్టినట్లు సమాచారం. వీరికి ఒక కూతురు. మరో విశేషం ఏమిటంటే 2002లో అభిషేక్ బచ్చన్ తో ఈమెకు ఎంగేజ్మెంట్ జరిగింది. కారణం ఏదైనా వీరి పెళ్లి జరగలేదు.
సైఫ్ అలీఖాన్- అమృత సింగ్
1991లో హీరోయిన్ అమృత సింగ్ ని సైఫ్ అలీఖాన్ ప్రేమ వివాహం చేసుకున్నారు. వీరికి సారా అలీఖాన్, ఇబ్రహీం అనే ఇద్దరు పిల్లలు కూడా ఉన్నారు. ఇక 2004లో వీరిద్దరూ విడాకులు తీసుకున్నారు. పటౌడీ వంశానికి చెందిన సైఫ్ నుండి అమృతకు భరణం రూపంలో బాగానే దక్కిందట. ఇక 2012 లో సైఫ్ హీరోయిన్ కరీనా కపూర్ ని పెళ్లి చేసుకున్నారు.
ఆదిత్య చోప్రా- పాయల్ ఖన్నా
బాలీవుడ్ స్టార్ ప్రొడ్యూసర్ ఆదిత్య చోప్రా పాయల్ ఖన్నాను 2000లో ప్రేమ వివాహం చేసుకున్నారు. ఆ తరువాత వీరు 2009లో విడాకులు తీసుకున్నారు. బడా ప్రొడ్యూసర్ అయిన ఆదిత్య చోప్రా భారీ మొత్తంలో పాయల్ కి భరణంగా చెల్లించుకున్నాడట. 2014 లో ఆదిత్య చోప్రా హీరోయిన్ రాణి ముఖర్జీని పెళ్లియిచేసుకున్నారు.
