సూపర్ స్టార్ కృష్ణ.. తెలుగు ప్రజలందర్నీ శోకసంద్రంలో ముంచేసి తిరిగిరాని లోకాలకు తరలి వెళ్లిపోయారు.. నేటికి ఆయన మరణించి మూడు రోజులవుతున్నా.. ఇకలేరు, రారు అనే మాటను మాత్రం ఎవరూ నమ్మలేకపోతున్నారు.. కుటుంబ సభ్యులు, బంధుమిత్రులు, అభిమానులు, తెలుగు రాష్ట్రాల ముఖ్యమంత్రులు, యామత్ టాలీవుడ్ ఇండస్ట్రీతో పాటు కోలీవుడ్ ప్రముఖులు, సన్నిహితులంతా ఆయనకు ఘనంగా తుదివీడ్కోలు పలికారు.. ఇక కృష్ణ గారి వీరాభిమానులు, సీనియర్ ఫ్యాన్స్ అయితే గుండెలవిసేలా రోదించడం చూసి అంతా భావోద్వేగానికి గురయ్యారు.
నేడు (నవంబర్ 17) కుటుంబ సభ్యులు కృష్ణ గారి చిన్నకర్మ (మూడవ రోజు కార్యక్రమం) ఏర్పాటు చేశారు. ఆయన తమ్ముడు ఆది శేష‌గిరి రావు, మహేష్ బాబు, మంజుల, సుధీర్ బాబు, గల్లా జయదేవ్ కుటుంబ సభ్యులు కృష్ణ గారికి శ్రద్ధాంజలి ఘటించారు. అమెరికాలో ఉంటున్న రమేష్ బాబు కుమారుడు జయకృష్ణతో సహా దూర ప్రాంతాల్లో ఉన్న ఇతరులు కూడా వచ్చారు. సినీ పరిశ్రమకు చెందిన పలువురు ప్రముఖులు, మహేష్ బాబు సన్నిహితులు కూడా ఈ కార్యక్రమంలో పాల్గొన్నారు.. దీనికి సంబంధించిన ఫోటోలు సోషల్ మీడియాలో వైరల్ అవుతున్నాయి..
కృష్ణ గారి మరణంతో మహేష్ బాబు తీవ్ర విషాదంలో మునిగిపోయాడు.. ఈ ఏడాది జనవరిలో అన్నయ్య రమేష్ బాబు, సెప్టెంబర్‌లో అమ్మ ఇందిరా దేవి, నవంబర్‌లో నాన్న.. ఇలా ముగ్గుర్ని కోల్పోవడంతో మహేష్ బాధ వర్ణనాతీతం అంటూ తెలుగు ప్రజలంతా బాధపడుతున్నారు.. మహేష్ కుమార్తె సితార, తాత గురించి సోషల్ మీడియాలో చేసిన పోస్ట్ చూసి అంతా ఎమోషనల్ అవుతున్నారు. ఏదేమైనా మహేష్ వీలైనంత త్వరగా ఈ బాధ నుండి బయటపడి మునుపటిలా హుషారుగా కనిపించాలని కోరుకుంటూ.. కృష్ణ గారికి నివాళి అర్పిస్తున్నారు ఘట్టమనేని అభిమానులు.. సుమంత్, గోపిచంద్, అనిల్ రావిపూడి, దిల్ రాజు, చినబాబు, రాజశేఖర్, వంశీ పైడపల్లి, నరేష్, పవిత్రా లోకేష్, సురేష్ బాబు తదితరులు కృష్ణ గారికి నివాళి అర్పించి, వారి కుటుంబ సభ్యులను పరామర్శించారు.
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
