‘జబర్దస్త్’ కమెడియన్ గా గుర్తింపు తెచ్చుకున్న చలాకీ చంటి తన జీవితంలో ఎన్నో సమస్యలను ఎదుర్కొన్నట్లు చెప్పారు. తన ప్రమేయం లేకుండానే చుక్కల్లో పడి చాలా సినిమాల్లో అవకాశాలు కోల్పోయినట్లు వెల్లడించారు. రీసెంట్ గా ఓ టీవీ షోలో పాల్గొన్న చంటి తన కెరీర్, వ్యక్తిగత విషయాల గురించి మాట్లాడారు. ఈ క్రమంలో తన జీవితంలో పదహారు సినిమాలు కోల్పోయినట్లు.. ప్రభాస్ ఫ్యాన్స్ చుక్కలు చూపించినట్లు చెప్పారు. 2014లో కొన్ని వందల మంది ప్రభాస్ ఫ్యాన్స్ తనపై ఎటాక్ చేశారని చెప్పాడు చంటి.
తాను ప్రభాస్ ని ఏదో అన్నానని.. ఎవరో సోషల్ మీడియాలో ఓ పోస్ట్ పెట్టాడు. దీంతో ఎలాంటి ఆధారాలు చెక్ చేసుకోకుండానే ప్రభాస్ ఫ్యాన్స్ తనను టార్గెట్ చేశారట. ఓ వారం రోజుల పాటు ఫోన్లు, మెసేజ్ లు, సోషల్ మీడియాలో పోస్ట్ లతో చుక్కలు చూపించారని చెప్పాడు. దీంతో ఆ విషయాన్ని సీరియస్ గా తీసుకొని ఆ పోస్ట్ పెట్టిన వ్యక్తిని పట్టుకొని పోలీసులకు అప్పజెప్పినట్లు తెలిపారు చంటి. అయితే ఈ సంఘటన తన కెరీర్ పై పరోక్షంగా దెబ్బ కొట్టిందని ఆవేదన వ్యక్తం చేశాడు.
ఈ రూమర్ల కారణంగా సినిమా అవకాశాలు పోయాయని.. అలానే వాళ్ల టార్చర్ భరించలేక ఫోన్ నెంబర్ మార్చడంతో చాలా మంచి అవకాశాలు పోగొట్టుకున్నానని చెప్పారు. కొందరు దర్శకులు ఫోన్ చేస్తే స్విచ్చాఫ్ రావడంతో ఆ పాత్రలకు వేరే వాళ్లను తీసుకున్నారని.. అలా దాదాపు 16 సినిమాల వరకు మిస్ అయినట్లు చెబుతూ బాధపడ్డాడు.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
