హాఫ్ మిలియన్ డాలర్లు వసూలు చేసిన ఛలో!

వెంకీ కుడుముల దర్శకత్వంలో నాగశౌర్య నటించిన ఛలో ఫిబ్రవరి 2 న విడుదలై సంచలన విజయం సాధించింది. అంచనాలకు మించి ఈ చిత్రం కలక్షన్స్ వసూలు చేస్తోంది. కన్నడ బ్యూటీ రష్మిక హీరోయిన్ గా నటించిన ఈ చిత్రం భారీ ఓపెనింగ్స్ రాబట్టింది. తొలి రోజు ప్రపంచవ్యాప్తంగా 3 .8 కోట్ల గ్రాస్,1 .81 కోట్ల షేర్ రాబట్టి చిత్ర బృందానికి ఆనందాన్ని కలిగించింది. తెలుగు రాష్ట్రాల్లోనే కాకుండా ఓవర్సీస్ లో ఛలో మంచి కలక్షన్స్ వసూలు చేస్తోంది. ఓవర్సీస్ లో ఛలో 109 స్క్రీన్లలో ప్రదర్శించారు.  మొదటి రోజు ప్రీమియర్ షోల ద్వారా 94 వేల డాలర్లు వసూలు చేసిన ఈ చిత్రం గత ఆదివారం ముగిసేసరికి 4 లక్షల 98 వేల డాలర్లతో అదరహో అనిపించింది.

నాగశౌర్య, రష్మిక జంట వెండితెరపై హిట్ పెయిర్ గా పేరు దక్కించుకుంది. వన్ లైన్ పంచెలతో వెంకీ కుడుముల గురువు త్రివిక్రమ్ శ్రీనివాస్ శిష్యుడనిపించుకున్నారు. సినిమాలోని పంచ్ లను  ప్రేక్షకులు బాగా ఎంజాయ్ చేస్తున్నారు. మహతి సర్వ సాగర్  స్వరపరిచిన పాటలు, నేపథ్య సంగీతం సినిమాకి ప్రధాన బలమయ్యాయి. ఈ చిత్రానికి పోటీ లేకపోడంతో భారీ కలక్షన్స్ సాధించే అవకాశాలు పుష్కలంగా ఉన్నాయని ట్రేడ్ వర్గాలు తెలిపాయి.