మార్పులే తప్ప రిపేర్లు ఏమీ లేవంటున్న పవన్ దర్శకుడు..!

పరభాషా చిత్రాలను స్టార్ హీరోలతో రీమేక్ చేస్తుంటే.. ఆ స్టార్ హీరో ఇమేజ్ కోసం భారీగా మార్పులు చేస్తారన్న సంగతి ప్రత్యేకంగా చెప్పనవసరం లేదు. కమర్షియల్ ఎలిమెంట్స్, హీరోయిన్, పాటలు.. వంటి ఇతర హంగుల అవసరాలు లేకపోయినా స్టార్ హీరో ఫ్యాన్స్ ముచ్చట కోసం వాటిని జోడిస్తుంటారు.. రీమేక్ ను రూపొందించే దర్శకనిర్మాతలు. ఇప్పుడు పవన్ కళ్యాణ్ తో చేస్తున్న ‘పింక్’ విషయంలో కూడా అదే రిపీట్ అవుతుందా అనే అనుమానాలు మొదటినుండీ వ్యక్తమవుతూనేవున్నాయి.

‘వకీల్ సాబ్’ పేరుతో తెలుగులో రీమేక్ కాబోతున్న ఈ చిత్రంలో కూడా పలు మార్పులు చేస్తున్న సంగతి నిజమేనని దర్శకుడు వేణూ శ్రీరామ్ స్వయంగా చెప్పుకొచ్చాడు. అలా అని ‘పింక్’ థీమ్ ను తప్పుదోవ పట్టించే విధంగా అయితే రిపేర్లు చెయ్యడం లేదని కూడా వేణూ శ్రీరామ్ చెప్పుకొచ్చాడు. ‘మేము ‘పింక్’ ను చాలా నిజాయితీగా రీమేక్ చేస్తున్నాం. పవన్ కళ్యాణ్ గారి ఫ్యాన్స్ కోసం తక్కువ సీన్స్ మాత్రమే మార్చడం జరిగింది.

ఎక్కువ శాతం సీన్స్ ఒరిజినల్లో ఎలా ఉంటాయో ఇక్కడ కూడా అలాగే ఉంటాయి.ఒకటి, రెండు కొత్త పాత్రలు కనిపించడం.. అలాగే కొన్ని కమర్షియల్ ఎలిమెంట్స్ యాడ్ చెయ్యడం తప్ప.. ‘పింక్’ కు ‘వకీల్ సాబ్’ కు తేడా ఏమీ ఉండదు’ అని క్లారిటీ ఇచ్చేసాడు వేణు శ్రీరామ్.

Most Recommended Video

బిగ్‌బాస్ 4 కంటెస్టెంట్స్ గురించి మీకు తెలియని ఆసక్తికరమైన విషయాలు!
బిగ్‌బాస్‌ 4 హైలెట్స్: ఏడుపులు.. అలకలు.. ఆగ్రహాలు.. ఆవేశాలు!
బిగ్ బాస్ 4 నామినేషన్: కిటికీల ఆటలో తలుపులు మూసేసింది ఎవరికంటే?