కోడిరామకృష్ణ కూతురి పెళ్ళిలో చిరు,బాలయ్య సందడి

టాలీవుడ్ ఇండస్ట్రీకి ఎన్నో మరపురాని హిట్స్ ఇచ్చిన దర్శకుడు కోడి రామకృష్ణ. గత ఏడాది ఫిబ్రవరి 22న ఈయన మరణించిన సంగతి తెలిసిందే. తెలుగు చిత్ర పరిశ్రమకు కోడిరామ కృష్ణ చేసిన సేవలు మరపురానివి. టాలీవుడ్ లో ఆయనదో ప్రత్యేకమైన శైలి. మాస్ సినిమాలనే కాదు గ్రాఫిక్స్ సినిమాలను కూడా ఆయన మనకి అందించారు. ఓ విధంగా చెప్పాలి అంటే.. టాలీవుడ్ కు గ్రాఫిక్స్ ను పరిచయం చేసిందే ఆయన. అప్పటి హీరోలందరికీ ఆయన బ్లాక్ బస్టర్ చిత్రాలని అందించిన సంగతి తెలిసిందే.

ఇదిలా ఉండగా.. కోడి రామకృష్ణ గారి కుమార్తె ప్రవల్లిక నిశ్చితార్థం … సిహెచ్ మహేష్‌తో గత అక్టోబర్‌లో జరిగిన సంగతి తెలిసిందే. పార్క్ హయత్‌లో వైభవంగా జరిగిన ఈ వేడుకకి మెగాస్టార్ చిరంజీవి, నటసింహం నందమూరి బాలకృష్ణ , విక్టరీ వెంకటేష్ , రెబల్ స్టార్ కృష్ణంరాజు, మురళీ మోహన్, జీవిత రాజశేఖర్, అల్లు అరవింద్, గంటా శ్రీనివాస్, ఎంఎస్ రాజు, దిల్ రాజు పలువురు సినీ రాజకీయ ప్రముఖులు విచ్చేసారు. ఇక వివాహం బుధవారం రోజున అంటే ఫిబ్రవరి 5న రాత్రి 9 గంటల 36నిమిషాలకు జరిగింది. ఈ వేడుకకి కూడా మెగాస్టార్ చిరంజీవి, నంద‌మూరి బాల‌కృష్ణ‌, మోహ‌న్ బాబు, మంత్రి త‌ల‌సాని శ్రీనివాస్ యాదవ్‌, మాజీ మంత్రి గంటా శ్రీనివాస‌రావు, కె.రాఘ‌వేంద్ర‌రావు, ముర‌ళీ మోహ‌న్‌, గోపీచంద్‌, జ‌య‌ప్ర‌ధ‌, జీవిత‌, దిల్ రాజు, కోదండ రామిరెడ్డి, కె.విజ‌య‌భాస్క‌ర్‌, బి.గోపాల్‌, అల్లు అర‌వింద్‌, ఎం.ఎస్.రాజు, అలీ, హేమ‌, నాగ‌బాబు అలాగే స‌తీమ‌ణి ప‌ద్మ‌జ‌, నిహారిక‌,రాజ‌శేఖ‌ర్ కుమార్తె శివాని వంటి వారు హాజరయ్యారు. అందరిలోనూ చిరంజీవి, బాలకృష్ణ లే బాగా హైలెట్ అయ్యారని చెప్పొచ్చు. వీరిద్దరి ఫోటోలు సోషల్ మీడియాలో తెగ వైరల్ అవుతున్నాయి.

Most Recommended Video

జాను సినిమా రివ్యూ & రేటింగ్!
అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు