Potti Mama: పొట్టి మామ డ్యాన్స్‌ చూసి చిరంజీవినే ట్రోల్‌ చేశారు తెలుసా? కానీ…

August 12, 2026 / 05:43 PM ISTByFilmy Focus Desk

Join Us

పొట్టి మామ తెలుసా? సోషల్‌ మీడియాను బాగా ఫాలో అయ్యేవారికి, అందులోనూ అందులో పాత పాటలకు డ్యాన్స్‌లు చేసే ఇన్‌ఫ్లూయెన్సర్లను ఫాలో అయ్యేవారికి ఈ పొట్టి మామ బాగా తెలుసు. ఆయన అసలు పేరు రవీంద్ర కుమార్‌ అని చాలా తక్కువమందికి తెలుసు. ఆయన జీవతంలో 20 ఏళ్లుగా ఎదురుచూస్తున్న ఓ సంఘటన ఇప్పుడు జరిగింది. నిన్న హైదరాబాద్‌లో జరిగిన ‘కొరియన్‌ కనకరాజు’ ఈవెంట్‌లో ఇదంతా జరిగింది.

Potti Mama

వరుణ్‌ తేజ్‌ – మేర్లపాక గాంధీ – రితికా నాయక్‌ కాంబినేషన్‌లో రూపొందిన సినిమా ‘కొరియన్‌ కనకరాజు’. ఈ సినిమాలో విజయోత్సవం ఇటీవల జరిగింది. ఆ సినిమాలో ఓ పాత్రలో నటించిన రవీందర్‌ అలియాస్‌ పొట్టి మామ ఓ పాత్రలో నటించారు. ఆయన వేదిక మీదకు వచ్చి మాట్లాడుతూ తనకు చిరంజీవి అంటే ఎంతిష్టమో భావోద్వేగానికి లోనవుతూ చెప్పారు. ఆ తర్వాత స్టేజీ దిగి చిరంజీవి దగ్గరకు వెళ్లి ఎమోషనల్‌ అయ్యారు. అతన్ని లేపి.. సీటులో పక్కనే కూర్చోబెట్టుకున్నారు చిరు.

ఇదంతా అందరూ నిన్న రాత్రి నుండి చూస్తూనే ఉన్నారు కూడా. చిరంజీవి అలా చేయడం ఇదేమీ కొత్త కాదు. గతంలో కొంతమంది వ్యక్తులను ఇలా ఆనందపరిచి పంపించారు కూడా. అయితే పొట్టి మామ విషయంలో ఇటు చిరంజీవి కూడా సోషల్‌ మీడియాలో ట్రోల్స్‌కి గురయ్యారు. చిరంజీవి పాటలకు పొట్టి మామ డ్యాన్స్‌ వేస్తే.. ఇద్దరూ ఒకటే, చిరు కంటే ఈయనే డ్యాన్స్‌ బాగా చేస్తున్నాడు అంటూ కామెంట్లు పెట్టారు. కొంతమంది నెటిజన్లు కాస్త హద్దు మీరి కూడా కామెంట్లు చేశారు.

ఇదంతా చిరంజీవికి కూడా తెలుసు. పొట్టి మామ స్టేజీ మీద మాట్లాడుతున్నప్పుడు చిరంజీవికి పక్కనున్న వారు ఎవరో అతని గురించి చెప్పబోతుంటే.. ‘నాకు తెలుసు ఇతను.. నేనీ వీడియోలు చూశాను’ అని కూడా చెప్పారు. అంటే కామెంట్లు కూడా చూసుంటారు. అంతలా మాటలు పడ్డ ఆయన, మటలు పడ్డ పొట్టి మామను దగ్గర తీసుకోవడం ఆయన గొప్పతనానికి నిదర్శనం. ఒక్క ఇమిటేషన్‌కే హర్ట్‌ అయిపోతున్న నటుల అభిమానులు ఉన్న ఈ రోజుల్లో.. తన పాటలను చాలా ఏళ్లుగా ఇమిటేట్‌ చేస్తున్న పొట్టి మామను దగ్గరకు తీసుకోవడం ప్రత్యేకమే కదా.