పెద్ద ప్రమాదం నుండీ బయటపడ్డ చిరు

అవును మెగాస్టార్ చిరంజీవి అదృష్టవశాత్తూ పెద్ద ప్రమాదం నుండీ బయటపడ్డారు. తాజాగా ఆయన ప్రయాణిస్తున్న విమానంలో సాంకేతిక సమస్యలు రావడం తో ఇలా జరిగినట్టు తెలుస్తుంది. అసలు విషయం ఏంటంటే… చిరు నటిస్తున్న తాజా చిత్రం ‘సైరా నరసింహారెడ్డి’ సినిమా విషయమై ముంబైకు వెళ్ళారు. ఈ క్రమంలో ఈరోజు ఉదయం ఆయన తిరిగి హైదరాబాద్ చేరుకోవడానికి ముంబై ఎయిర్ పోర్ట్ లో విమానం ఎక్కగా, టేక్ ఆఫ్ అయిన కొద్దిసేపటికే విమానంలో సాంకేతిక సమస్యలు తలెత్తాయి. దీంతో పైలట్ విమానాన్ని అత్యవసర పరిస్థితుల్లో ల్యాండింగ్ చేశాడు.

ఈ నేపథ్యంలో… కాసేపు విమానంలో ప్రమాదకర వాతావరణం తలెత్తిందట. మెగాస్టార్ తో పాటు మరో 120మంది ప్రయాణికులు ఈ విమానంలో ప్రయాణిస్తున్నారట. విషయం తెలిసిన వెంటనే మెగాస్టార్ కుటుంబ సభ్యులు చాలా ఆందోళన చెందారట. అయితే కంగారు పడాల్సింది ఏమీ లేదని మెగాస్టార్ కుటుంబ సభ్యులతో పాటు సన్నిహితులకు కూడా తెలిపినట్టు సమాచారం. ఇక ‘సైరా నరసింహ రెడ్డి’ చిత్రం అక్టోబర్ 2న విడుదల కాబోతుంది. సురేందర్ రెడ్డి డైరెక్ట్ చేసిన ఈ చిత్రాన్ని రాంచరణ్ నిర్మించాడు.