టాలీవుడ్ యంగ్ టైగర్ జూనియర్ ఎన్టీఆర్ నేడు తన 38వ పుట్టినరోజును జరుపుకుంటున్నారు. నటుడిగా ఎన్నో ఘనవిజయాలను సొంతం చేసుకున్న ఎన్టీఆర్ కు రాజకీయ, సినీ ప్రముఖులతో పాటు అభిమానుల నుంచి కూడా పుట్టినరోజు శుభాకాంక్షలు సోషల్ మీడియా వేదికగా వెల్లువెత్తుతున్నాయి. ఎన్టీఆర్ పుట్టినరోజు సందర్భంగా ఆర్ఆర్ఆర్ సినిమా నుంచి పోస్టర్ విడుదల కాగా ఎన్టీఆర్ కొరటాల శివ సినిమాకు సంబంధించిన పోస్టర్ విడుదలైంది. మరోవైపు ఎన్టీఆర్ తో సినిమాను తెరకెక్కిస్తున్నట్టు ప్రశాంత్ నీల్ సైతం సోషల్ మీడియా ద్వారా కన్ఫామ్ చేశారు.
ఉప్పెన దర్శకుడు బుచ్చిబాబు సానా సైతం ఎన్టీఆర్ తో సినిమాను తెరకెక్కించనున్నట్టు చెప్పినా ఈ ప్రాజెక్ట్ ఎప్పుడు పట్టాలెక్కుతుందో తెలియడం లేదు. అయితే ఎన్టీఆర్ కు పుట్టినరోజు సందర్భంగా చిరంజీవి సర్ప్రైజ్ గిఫ్ట్ ఇచ్చారని ఇండస్ట్రీ వర్గాల్లో వినిపిస్తుండటం గమనార్హం. చిరంజీవి స్వయంగా చేసిన మటన్ బిర్యానీని ఎన్టీఆర్ కోసం పంపారని తెలుస్తోంది. కొన్నిరోజుల క్రితం చిరంజీవి ఎన్టీఆర్ తో స్వయంగా మాట్లాడి ఎన్టీఆర్ హెల్త్ అప్ డేట్ ఇచ్చిన సంగతి తెలిసిందే.
ఎన్టీఆర్ పుట్టినరోజు సందర్భంగా వచ్చిన అప్ డేట్లతో తారక్ ఫ్యాన్స్ ఆనందానికి అవధులు లేకుండా పోయాయి. ఎన్టీఆర్ త్వరగా కోలుకోవాలని అభిమానులు కోరుకుంటున్నారు. మరోవైపు ఎన్టీఆర్ సినిమాల లైనప్ చూసి స్టార్ హీరోలు షాకవుతున్నారు. 2024 వరకు ఎన్టీఆర్ డైరీ ఖాళీగా లేదని తెలుస్తోంది. సర్కారు వారి పాట డైరెక్టర్ పరశురామ్ కూడా ఎన్టీఆర్ కోసం ఒక లైన్ ను సిద్ధం చేశారని సమాచారం.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
