నానికి సైకిల్ కొనిచ్చిన చిరు!

నేచురల్ స్టార్ నాని ఆనందంలో మునిగి తేలుతున్నారు. ఏమైనా అవార్డు వచ్చిందా? ..  అని అనుకుంటున్నారా? కాదు.. కాదు అంతకంటే గొప్ప కానుకే అందుకున్నారు. కొన్నిరోజుల క్రితం మెగాస్టార్ చిరంజీవి హోస్ట్ గా వ్యవహరిస్తున్న “మీలో ఎవరు కోటీశ్వరుడు” షో లో నాని అతిధిగా పాల్గొన్నారు. ఈ సందర్భంగా నాని తన చిన్ననాటి అనేక విషయాలను చిరుతో పంచుకున్నారు. అప్పుడు టికెట్  కోసం క్యూలో నిలుచున్నా తాను.. ఇప్పుడు ఆ హీరోకి ఎదురుగా కూర్చోవడం ఆనందంగా ఉందని అందరి ముందు చెప్పారు. చిన్నప్పుడు చిరంజీవి మాస్టర్ సినిమాకి సైకిల్ తీసుకెళ్తే దాన్ని ఎవరో దొంగిలించారని,  సినిమాకి టికెట్ దొరికిన ఆనందంలో సైకిల్ పోయిన బాధ కూడా తనకు కలగలేదని గుర్తుచేసుకున్నారు.

షోలో గెలుచుకున్న దానిలో కొంత సొమ్ముతో ఆ సైకిల్ కొనుక్కుంటానని నాని చెప్పారు. అందుకు చిరంజీవి కొనుక్కోవద్దని, తన సినిమాకి వచ్చి సైకిల్ పోగొట్టుకున్నందుకు తానె కొత్త సైకిల్ కొని పెడతానని హామీ ఇచ్చారు. షోలో సరదాకి చెప్పిన మాటలు పెద్దగా సీరియస్ గా తీసుకోరు. కానీ మెగాస్టార్ ఇచ్చిన మాట ప్రకారం..  నానికి సైకిల్‌ పంపారు. ఈ విషయాన్ని నాని ట్విటర్‌ వేదికగా వెల్లడించారు . ‘ఆ అబ్బాయి  సైకిల్‌ను తిరిగి దక్కించుకున్నాడు. షోలో ఇచ్చిన మాట ప్రకారం చిరంజీవిగారు ఈ కూల్‌ సైకిల్‌ పంపారు’ అని దాని పక్కన నిలబడి దిగిన ఫొటోను అభిమానులతో పంచుకున్నారు.

Also, do SUBSCRIBE to our YouTube channel to get latest Tollywood updates.