పవన్ కల్యాణ్ సర్దార్ గబ్బర్ సింగ్ సినిమా బడా హీరోలకు గునపాటమ్ గా మారింది అనే చెప్పాలి. హీరో ఎంతటి వాడైన, కధ, కధనం సరిగ్గా లేకపోతే సినిమా ‘అంతా అస్సాం’ అవుతుంది అని పవన్ సర్దార్ రుజువు చేసింది. అయితే ఈ సినిమా ఫలితంతో చాలా మంది హీరోలు తమ రాబోయే సినిమాల కధల విషయంలో కాస్త ఆలోచనలో పడ్డారు. ఇక అదే క్రమంలో సర్దార్ ఫలితం సాక్షాత్తూ మెగాస్టార్ నే ఆలోచనలో పడేసింది. ఇంతకీ విషయం ఏంటంటే…మెగాస్టార్ చిరంజీవి ప్రతిష్టాత్మక 150వ చిత్రంగా తమిళ సినిమా ‘కత్తి’ సెట్స్ పైకి వెళ్లనున్న విషయం తెలిసిందే. అయితే నిన్నటివరకూ అంతా అయిపోయింది సినిమాను సెట్స్ పైకి తీసుకువెళ్ళడమే ఆలస్యం అనుకున్న తరుణంలో సర్దార్ సినిమా విషయంలో జరిగిన లోపాలను తన సినిమా కధతో పోల్చుకున్న చిరు, వినాయక్ ను పిలిపించి కొన్ని మార్పులు చెయ్యాల్సిందిగా కోరినట్లు సమాచారం. వినాయక్ అతడి టీమ్ అందించిన స్క్రిప్ట్ ఇంటర్వెల్ పార్ట్ వరకు బాగున్నా రెండో భాగానికి చెందిన స్క్రిప్ట్ మరింత ఆలోచించి వ్రాయడం అవసరమని చిరంజీవి వినాయక్ కు సూచించినట్లు టాలీవుడ్ సర్కిల్స్ లో వినిపిస్తున్న న్యూస్. రొటీన్ గా కాకుండా, రెండో భాగం సరికొత్తగా, పకడ్బందీగా, స్టయిలిష్గా, హుందాగా ఉండాలని చిరంజీవి వినాయక్ కు తెలిపినట్లు వార్తలు వస్తున్నాయి. ఇక చిరు మాటకు కట్టుబడి వినాయక్ అండ్ టీమ్ చిరూ అభిరుచికి తగినట్టుగా తయారు చేసే పనిలో పడ్డారని బహుశా వచ్చే నెలలో దీనికి పూర్తి రూపం రావచ్చు అని తెలుస్తుంది. ఇంతవరకూ బాగానే ఉంది కానీ, ఇలా సినిమా ఫలితాలను చూసుకుంటూ కధలో మార్పులు చేసుకుంటూ పోతే ఎప్పటికీ చిరు 150వ సినిమా తీస్తారో మరి వేచి చూడాలి.
