తండ్రితో ఓ సినిమా నిర్మించాలని సుస్మిత చాలా రోజులుగా ప్రయత్నాలు చేస్తున్నారు. ఆమె కోరిక ఫలించి ఆ మధ్య ఓ సినిమా అనౌన్స్‌ చేశారు కూడా. అయితే మెగా ఫ్యామిలీలో రీమేక్‌ల డిజాస్టర్ల ట్రెండ్‌ నడవడంతో సుస్మిత సినిమా ఆగిపోయింది. కల్యాణ్‌ కృష్ణ కురసాల దర్శకత్వంలో ‘బ్రో డాడీ’ రీమేక్ చేయాలనుకున్న విషయం మీకు తెలిసే ఉంటుంది. ఆ సినిమా ఆగిపోవడంతో తిరిగి సుస్మిత కొత్తగా ప్రయత్నాలు మొదలుపెట్టాల్సి వచ్చింది. ఎట్టకేలకు మరో ప్రాజెక్ట్‌ ఓకే అయ్యింది అంటున్నారు.
అయితే ఈ ప్రాజెక్ట్‌తో మరో నిర్మాత కూడా చేస్తున్న పోరాటం ఫలించింద అని చెప్పాలి. ఇండస్ట్రీకి వచ్చిన అనతికాలంలో హాఫ్‌ సెంచరీకి దగ్గరగా వచ్చారు పీపుల్‌ మీడియా వాళ్లు. ఇప్పుడు చిరంజీవి – సుస్మిత సినిమాలో వాళ్లు కూడా పార్టే. అంటే ఇద్దరూ కలసి చిరు సినిమాను నిర్మిస్తారన్నమాట. అయితే ఇప్పటివరకు ఈ ప్రాజెక్ట్‌కు సంబంధించి నిర్మాత, హీరో మాత్రమే ఫిక్స్‌ అయ్యారు. దర్శకుడి విషయం ఇంకా తేలాల్సి ఉంది. అయితే ట్రెండ్‌ను ఫాలో అవుతూ చిరు ఈ సినిమాకు యువ దర్శకుడినే అనుకుంటున్నారట.
ఈ మేరకు ప్రముఖ రచయిత బీవీఎస్‌ రవి ఓ కథ సిద్ధం చేశారు అని టాక్‌. కమర్షియల్‌ అంశాలు ఫుల్‌గా ఉండి… ఆద్యంతం నవ్వించేలా ఆ సినిమా ఉండబోతోంది అని కూడా చెబుతున్నారు. ఇలాంటి కథలు హ్యాండిల్‌ చేయడంలో ఇప్పుడున్న యువ దర్శకుల్లో హరీశ్‌ శంకర్, గోపీచంద్‌ మలినేని లాంటి వాళ్లు యాప్ట్‌ అంటుంటారు. మరి చిరు ఎవరిని కెప్టెన్‌గా నియమిస్తారో చూడాలి.
ప్రస్తుతం చిరంజీవి (Chiranjeevi) – మల్లిడి వశిష్ట కాంబినేషన్‌లో ‘విశ్వంభర’ అనే సినిమా సిద్ధమవుతోంది. చిరంజీవి ఇంకా సెట్స్‌లో అడుగపెట్టలేదు కానీ.. సినిమా షూటింగ్‌ అయితే సాగుతోంది. ఇప్పుడు అయితే యాక్షన్‌ కొరియోగ్రఫీ సెషన్స్‌ జరుగుతున్నాయి. అవి పూర్తయితే చిరు ఫస్ట్‌ షాట్‌ ఫైట్‌తోనే ఉంటుంది అంటున్నారు. యూవీ క్రియేషన్స్ నిర్మిస్తున్న ఈ సినిమాను వచ్చే ఏడాది సంక్రాంతికి విడుదల చేస్తామని టీమ్‌ ఇప్పటికే ప్రకటించేసింది కూడా.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
