అప్పుడు పవన్ కళ్యాణ్.. ఇప్పుడు చిరంజీవి

August 21, 2020 / 03:40 PM ISTByFilmy Focus

Join Us

ప్రస్తుతం చిరంజీవి… కొరటాల శివ డైరెక్షన్లో చేస్తున్న ‘ఆచార్య’ చిత్రంతో బిజీగా ఉంటే.. అతని చిన తమ్ముడు పవన్ కళ్యాణ్ వేణు శ్రీరామ్ డైరెక్షన్లో ‘వకీల్ సాబ్’ చిత్రం చేస్తూ బిజీగా గడుపుతున్నాడు. చిరంజీవి రాజకీయాల్లో బిజీగా ఉంటూ.. సినిమాలకు దూరంగా ఉంటూ వచ్చిన ఆ 10 ఏళ్ళు పవన్ కళ్యాణే నెంబర్ వన్ పొజిషన్లో కొనసాగుతూ వచ్చాడు. ఇదిలా ఉండగా.. చిరు, పవన్ లు ఒకే స్టేజి పై కనిపించినా లేదా ఒకే స్క్రీన్ పై కనిపించినా మెగా ఫ్యాన్స్ కు పూనకాలు వచ్చేస్తాయి అన్న సంగతి ప్రత్యేకంగా చెప్పనవసరం లేదు.

‘శంకర్ దాదా జిందాబాద్’ చిత్రంలో వీళ్ళిద్దరూ ఓ సన్నివేశంలో కనిపిస్తే ఫ్యాన్స్ ఎంత సందడి చేశారో మనం ఆల్రెడీ చూసాం. ఇదిలా ఉంటే.. ఈ మెగా బ్రదర్స్ ఇద్దరికీ యాదృశ్చికంగా ఓ విషయంలో కలిసొచ్చింది. అదేంటి అనుకుంటున్నారా? పవర్ స్టార్ పవన్ కళ్యాణ్ పుట్టినరోజు సెప్టెంబర్ 2న అన్న సంగతి తెలిసిందే.గతేడాది (2019 లో) పవన్ కళ్యాణ్ పుట్టినరోజు నాడు వినాయక చవితి పండుగ వచ్చింది.

Same Problem For Both Mega Brothers Chiranjeevi and Pawan Kalyan1

ఇక చిరంజీవి పుట్టినరోజు ఆగష్ట్ 22న అన్న సంగతి కూడా అందరికీ తెలిసిందే. అయితే ఈ ఏడాది(2020లో) చిరు పుట్టినరోజునాడే వినాయక చవితి పండుగ రావడం విశేషం. దీంతో సోషల్ మీడియాలో మెగా అభిమానులు పెద్ద ఎత్తున సందడి చేస్తున్నారు. అయితే కరోనా వైరస్ వల్ల ఎటువంటి పుట్టినరోజు వేడుకలను నిర్వహించవద్దు అంటూ మెగాస్టార్ చిరంజీవి తన ఫ్యాన్స్ ను కోరుతున్నట్టు కూడా స్పష్టమవుతుంది.