చిరు, బన్నీ, ప్రభాస్… అభిమానులకు కిక్ ఇచ్చే న్యూస్.!

దాసరి జన్మదినం సందర్భంగా మే 4న డైరెక్టర్స్ అసోసియేషన్ ఓ పెద్ద ఈవెంట్ చేయాలని ప్లాన్ చేసింది. కానీ ఎల‌క్ష‌న్ కోడ్ అమల్లో ఉండటం వల్ల ఆ ఈవెంట్ జరగలేదు. అయితే 19న హైద‌రాబాద్ లోని అదే స్టేడియంలో అంటే ఎల్‌.బీ స్టేడియంలోనే ఈ ఈవెంట్ ను అట్ట‌హాసంగా నిర్వహించాలని డైరెక్టర్స్ అసోసియేషన్ ప్లాన్ చేసింది. ఇందుకు ఏర్పాట్లు కూడా పూర్తయ్యాయి. డైరెక్టర్స్ అంతా ఒక చోట చేరి చేసే ఈ ఈవెంట్ ను చాలా గ్రాండ్ గా ప్లాన్ చేశారు.

టాలీవుడ్లో ఉన్న అందరు దర్శకులు ఈ ఈవెంట్ కి హాజరు కాబోతున్నారు. ఇక ఈ ఈవెంట్ కి హాజరయ్యే గెస్టుల లిస్ట్ కూడా చాలా అట్రాక్టివ్ గా ఉంది. అందుతున్న సమాచారం ప్రకారం.. మెగాస్టార్ చిరంజీవి ఈ వేడుకకి విచ్చేయనున్నారని సమాచారం. అంతేకాదు ఇంకో స్పెషల్ కూడా ఉంది. చిరుతో పాటు ఈ వేడుకకి ప్ర‌భాస్‌ (Prabhas) , అల్లు అర్జున్‌లు (Allu Arjun) కూడా హాజరయ్యే అవకాశాలు ఉన్నాయట. అది కనుక వర్కౌట్ అయితే చిరంజీవి(Chiranjeevi) , ప్రభాస్, అల్లు అర్జున్..లని ఒకే వేదికపై చూసే ఛాన్స్ ఉంటుంది.

ఆల్రెడీ డైరెక్టర్స్ అసోసియేషన్ కోసం ప్రభాస్ రూ.25 లక్షల వరకు విరాళం ఇవ్వడం జరిగింది. చిరంజీవి అయితే మొదటి నుండి తన సపోర్ట్ ఇస్తూ వస్తున్నారు. వీరితో పాటు అల్లు అర్జున్ కూడా డైరెక్టర్స్ అసోసియేషన్ కి అండగా నిలబడుతున్నట్టు టాక్ నడుస్తుంది. సో మొత్తంగా ఈ ఈవెంట్ సక్సెస్ అయ్యే ఛాన్సులు ఎక్కువగా ఉన్నాయి. దీంతో పాటు ఈ హీరోల అభిమానులకి కూడా ఇది కన్నుల విందు చేసే ఛాన్స్ ఉంది.