చిరంజీవికి సినిమా అంటే చాలా ఇష్టం. అది అతని సినిమానే అవ్వక్కర్లేదు. ఎవరి సినిమా అయినా అంతే ఇష్టం చూపిస్తారు. తన సహ కథానాయకులు, తన సరిసమానుల సినిమాలు అయినా ఆయన అలానే చూస్తారు. అంతే కాదు ఆయన సినిమా చూసి… ఫీడ్ బ్యాక్ని అద్భుతంగా చెబుతారు కూడా. గతంలో కొన్ని సందర్భాల్లో ఇలా చూశాం. తాజాగా ‘నారప్ప’ సినిమా చూశారు చిరు. ఆ తర్వాత ఆ సినిమా కథానాయకుడు వెంకటేశ్కి ఫోన్ చేసి మెచ్చుకున్నారు.
చిరంజీవి ఫోన్లో మాట్లాడిన మాటల్ని.. అక్షరాల రూపంలో చెబితే ఏం బాగుంటుంది అని వెంకటేశ్ అనుకున్నారో ఏమో… ఆ కాల్ని రికార్డు చేసి… దానిని సోషల్ మీడియాలో షేర్ చేశారు. ఇంకేముంది చిరంజీవి అభిమానులు, వెంకటేశ్ ఫ్యాన్స్ ఇప్పుడు ఆ ఆడియోను చూసి పండగ చేసుకుంటున్నారు. సినిమా గురించి, వెంకటేశ్ నటన గురించి చిరంజీవి మాటలు విని అందరూ ముచ్చటపడుతున్నారు. అంతగా ఏం చెప్పారనేగా మీ డౌట్. ‘‘వెంకీ నేనిప్పుడే ‘నారప్ప’ చూశాను. కంగ్రాట్స్. వావ్.. భలే నటించావ్.
సినిమాలో నాకెక్కడా వెంకటేశ్ కనిపించలేదు. నారప్ప మాత్రమే కనిపించాడు. మొత్తంగా కొత్త వెంకటేశ్ని చూశాను. పాత్రని లోతుగా అర్థం చేసుకుని నటించావ్ నువ్వు వెంకీ. నీలోని నటుడు ఎప్పుడూ ఏదో సాధించాలి, మంచి పాత్రలు చేయాలనే తపనతో ఉంటాడు. నీకు సంతృప్తినిచ్చే సినిమా ఇది. నీ కెరీర్లో గర్వంగా చెప్పుకునే చిత్రమవుతుంది’’ అంటూ చిరంజీవి ఆడియోలో చెప్పారు.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
