Chiranjeevi, Mahesh Babu: మహేష్ హిట్ సినిమా గురించి 2 గంటలు మాట్లాడిన చిరు.. ఏం జరిగిందంటే?

సూపర్ స్టార్ మహేష్ బాబుకు (Mahesh Babu) ప్రేక్షకుల్లో ఏ స్థాయిలో క్రేజ్ ఉందో ప్రత్యేకంగా చెప్పాల్సిన అవసరం లేదు. సూపర్ స్టార్ మహేష్ సినీ కెరీర్ లో పోకిరి సినిమాకు ప్రత్యేక స్థానం ఉంది. ఈ సినిమా అప్పట్లోనే 40 కోట్ల రూపాయల కలెక్షన్లను సాధించి సంచలన విజయాన్ని సొంతం చేసుకుంది. ఈ సినిమాలోని ప్రతి పాట ప్రేక్షకులను ఎంతగానో ఆకట్టుకుంది. మణిశర్మ (Mani Sharma) మ్యూజిక్, బీజీఎం ఈ సినిమాకు ప్రాణం పోశాయి.

ఈ సినిమాలోని క్లైమాక్స్ సీన్ స్పెషల్ గా నిలిచింది. అయితే మహేష్ బాబు సినీ కెరీర్ లో చిరంజీవికి ఇష్టమైన సినిమా కూడా పోకిరి కావడం గమనార్హం. పోకిరి (Pokiri) సినిమా చూసి చిరంజీవి (Chiranjeevi) తనతో చెప్పిన విషయాలను మహేష్ బాబు ఒక సందర్భంలో పంచుకున్నారు. పోకిరి సినిమా విడుదలైన తర్వాత స్టార్ హీరోలైన అమితాబ్  (Amitabh Bachchan), రజనీకాంత్ (Rajinikanth) కాల్ చేసి అభినందించారని మహేష్ బాబు చెప్పుకొచ్చారు.

మెగాస్టార్ చిరంజీవి కాల్ చేసి కలిసిన వెంటనే 2 గంటల పాటు పోకిరి గురించి మాట్లాడారని మహేష్ బాబు అన్నారు. పోకిరి సినిమాలో నేను చెప్పిన డైలాగ్స్ ను నాతోనే చెబుతూ చిరంజీవి అభినందించారని మహేష్ బాబు పేర్కొన్నారు. పోకిరి సినిమాకు సంబంధించి ప్రతి విషయంలో గుర్తుంచుకుని మరీ చిరంజీవి చెప్పారని సినిమాల గురించి చిరంజీవి జెన్యూన్ గా మాట్లాడతారని ఆయన వెల్లడించారు.

చిరంజీవి సినిమా నచ్చితే సోషల్ మీడియా వేదికగా ఇతర కుటుంబాల హీరోల గురించి గొప్పగా చెప్పగా ఆ విషయాలు వైరల్ అవుతున్నాయి. చిరంజీవి గొప్ప మనస్సును ఎంత మెచ్చుకున్నా తక్కువేనని ఫ్యాన్స్ భావిస్తున్నారు. చిరంజీవి, మహేష్ కాంబినేషన్ లో సినిమా రావాలని ప్రేక్షకులు కోరుకుంటుండగా ఈ కాంబో సాధ్యమవుతుందో లేదో చూడాల్సి ఉంది. చిరంజీవి, మహేష్ ప్రస్తుతం కెరీర్ పరంగా ఎవరి ప్రాజెక్ట్ లతో వారు బిజీగా ఉన్నారు.

https://www.youtube.com/watch?v=d_qU7Fk3-L0