ఆ కారణంగానే టీజర్ వద్దన్న మెగాస్టార్…?

August 19, 2020 / 10:50 PM ISTByFilmy Focus

Join Us

మెగాస్టార్ చిరంజీవి ప్రస్తుతం కొరటాల శివ డైరెక్షన్లో ‘ఆచార్య’ అనే చిత్రం చేస్తున్న సంగతి తెలిసిందే. లాక్ డౌన్ కారణంగా ఈ చిత్రం షూటింగ్ వాయిదా పడింది. సెప్టెంబర్ లో తిరిగి షూటింగ్ మొదలుపెట్టాలనే ప్లాన్ లో ‘ఆచార్య’ టీం ఉన్నట్టు టాక్ నడుస్తుంది. ఇదిలా ఉండగా.. ఈ చిత్రాన్ని ‘మ్యాట్నీ ఎంటర్టైన్మెంట్స్’ మరియు ‘కొణిదెల ప్రొడక్షన్ కంపెనీ’ బ్యానర్ల పై నిరంజన్ రెడ్డి, రాంచరణ్ కలిసి నిర్మిస్తున్నారు. ఇప్పటికే 40శాతం షూటింగ్ కూడా పూర్తయ్యింది.

అయితే ఆగష్టు 22న చిరంజీవి పుట్టిన రోజు ఉంది కాబట్టి.. ఆ రోజున ‘ఆచార్య’ మోషన్ పోస్టర్ ను విడుదల చెయ్యాలి అని దర్శక నిర్మాతలు ప్లాన్ చేసారు. అయితే దర్శకుడు కొరటాల శివ ఓ టీజర్ నే విడుదల చెయ్యాలని ప్లాన్ చేసారట. కానీ చిరు ఇందుకు ఒప్పుకోలేదని సమాచారం.

‘ఇంకా టైటిల్ నే అఫీషియల్ గా అనౌన్స్ చెయ్యలేదు..అప్పుడే టీజర్ ఎందుకు’..! అన్నీ ఒకేసారి ఇచ్చేస్తే ఈ ప్రాజెక్ట్ పై ఆసక్తి పోతుంది. ముందు.. ముందు వినాయక చవితి, దసరా, దీపావళి ఇలా చాలా సందర్భాలు ఉన్నాయి. అప్పుడు చూసుకుందాం’ అంటూ చిరు … దర్శకుడు కొరటాలకు సర్ది చెప్పారట.