దర్శకుడు కొరటాలకు సంబంధించి షాకింగ్ నిజాలు బయటపెట్టిన చిరు…!

మెగాస్టార్ చిరంజీవి… ఇప్పుడు దివంగత దర్శకుడు దాసరి నారాయణ రావు తర్వాత ఆయన రేంజ్ లో ఇండస్ట్రీని ఏలుతున్న వ్యక్తి. ఓ పక్క సినిమాలు చేస్తూనే మరోపక్క సోషల్ మీడియాలోనూ యాక్టివ్ గా ఉంటూ వస్తున్నారు మెగాస్టార్. అంతే కాకుండా ‘కరోనా క్రైసిస్ చారిటీ’ సంస్థను ఏర్పాటు చేసి పేద సినీ కళాకారులను ఆదుకోవడానికి ముందుకు వచ్చిన గొప్ప వ్యక్తి. లాక్ డౌన్ కారణంగా సినిమాల షూటింగ్ లు ఆగిపోవడంతో అనేక పేద సినీ కళాకారుల కుటుంబాలు తిండి లేక రోడ్డున పడే పరిస్ధితుల్లో వారిని ఆదుకోవడానికి ముందుకొచ్చిన మెగాస్టార్ ను ఎంతోమంది స్టార్ హీరోలు..

స్టార్ దర్శక నిర్మాతలు స్ఫూర్తిగా తీసుకుని తమకు తోచిన విరాళాలను అందించారు. అందుకే ఇప్పుడు చిరంజీవి పై ప్రశంసలు కురుస్తున్నాయి. ఇదిలా ఉంటే ప్రస్తుతం మెగాస్టార్ చిరంజీవి కొరటాల శివ డైరెక్షన్లో ఓ చిత్రం చేస్తున్న సంగతి తెలిసిందే. ఈ క్రమంలో ఓ ఇంటర్వ్యూలో పాల్గొన్న మెగాస్టార్ … దర్శకుడు కొరటాల గురించి కొన్ని షాకింగ్ నిజాలు బయట పెట్టారు. ఆయన మాట్లాడుతూ…” తెలంగాణ ముఖ్యమంత్రి కేసీఆర్ మీడియా సమావేశం చూసి తమ చిత్రం ‘ఆచార్య’ షూటింగ్ ను బంద్ చేద్దామని నేను చెప్పగానే దర్శకుడు కొరటాల వెంటనే ఓకే చెప్పేశారు.

కొరటాల గారికి సమాజం పట్ల ఎంతో అవగాహన.. మేధస్సు ఉంది. కేవలం రాష్ట్రానికి సంబందించిన రాజకీయ విషయాలు మాత్రమే కాదు.. జాతీయ – అంతర్జాతీయ విషయాలపైన కూడా పట్టున్న వ్యక్తి కొరటాల. దిగజారుతున్న రాజకీయాలు – నాయకుల వ్యక్తిత్వాలు – ప్రవర్తన గురించి శివ ఎప్పుడూ ఆందోళన చెందుతుంటాడు. అంతేకాదు తనకు పిల్లలు పుడితే స్వార్థంతో సమాజానికి ఏమీ చేయలేమని.. బిడ్డలు వద్దనే కఠోర నిర్ణయం తీసుకున్న గొప్ప వ్యక్తి కొరటాల. అంతటి గొప్ప వ్యక్తిత్వం – సామాజిక సృహ ఉన్న దర్శకుడితో సినిమా చేయడం నాకు నిజంగా ఎంతో గర్వంగా ఉంది.

Most Recommended Video

టాలీవుడ్ టాప్ హీరోల వరస్ట్ లుక్స్ ఇవే!
17 ఏళ్లలో అల్లు అర్జున్ రిజెక్ట్ చేసిన సినిమాలు ఇవే!
బుల్లితెర పై రికార్డులు క్రియేట్ చేసిన సినిమాలు ఇవే!