ఫాంటసీ లేదా డిఫరెంట్ థ్రిల్లర్ మూవీస్ తీస్తూ ప్రేక్షకులను ఆకట్టుకుంటున్నాడు దర్శకుడు విఐ ఆనంద్. ‘హృదయం ఎక్కడున్నది’ అనే సినిమాతో దర్శకుడిగా మారిన ఇతను ఆ తర్వాత చేసిన ‘టైగర్’ తో మంచి గుర్తింపు తెచ్చుకున్నాడు. అటు తర్వాత చేసిన ‘ఎక్కడికి పోతావు చిన్నవాడా?’ పెద్ద బ్లాక్ బస్టర్ అయ్యింది. ఇక ‘ఒక క్షణం’ ‘డిస్కో రాజా’ పెద్దగా ఆడకపోయినా, ఇటీవల వచ్చిన ‘ఊరు పేరు భైరవకోన’ జస్ట్ ఓకే అనిపించింది.
బాక్సాఫీస్ వద్ద ఈ మూవీ బాగానే పెర్ఫార్మ్ చేస్తుంది. అయితే ఇతను నెక్స్ట్ ఏ హీరోతో (Chiranjeevi) సినిమా చేస్తాడు? ఏ నిర్మాతతో సినిమాలు చేస్తాడు? అనే చర్చలు ఇప్పుడు ఊపందుకున్నాయి. దానికి ఓ హింట్ లభించింది. ఈరోజు విఐ ఆనంద్ పుట్టినరోజు సందర్భంగా ‘ఏకే ఎంటర్టైన్మెంట్స్’ సంస్థ బర్త్ డే విషెస్ చెబుతూ ఓ పోస్ట్ పెట్టింది. ఆ సంస్థ అధినేత అనిల్ సుంకర .. ‘ఊరు పేరు భైరవకోన’ కి సమర్పకులుగా వ్యహరించిన సంగతి తెలిసిందే.
సో విఐ ఆనంద్ నెక్స్ట్ మూవీ ఈ బ్యానర్లో ఉండొచ్చు అనే ఊహాగానాలు మొదలయ్యాయి. ‘ఏకే ఎంటర్టైన్మెంట్స్’ సంస్థ వద్ద చిరంజీవి డేట్స్ ఉన్నాయి. ‘భోళా శంకర్’ ఆడలేదు కాబట్టి.. ఇదే బ్యానర్లో ఇంకో సినిమా చేసి పెడతాను అని చిరు మాటిచ్చారు. అనిల్ సుంకర కూడా ఈ విషయాన్ని పరోక్షంగా తెలియజేశారు. మరి ఇది నిజమవుతుందో లేక ఇంకో హీరోతో ఈ బ్యానర్లో విఐ ఆనంద్ సినిమా ఉంటుందో.. చూడాలి..!
భామా కలాపం 2 సినిమా రివ్యూ & రేటింగ్!
భ్రమయుగం సినిమా రివ్యూ & రేటింగ్!
రాజధాని ఫైల్స్ సినిమా రివ్యూ & రేటింగ్!
