కొద్దిరోజులు క్రితం సోషల్ మీడియాలోకి ఎంటరైన మెగాస్టార్ చిరంజీవి అన్ని ముఖ్య సంధర్భాలపై స్పందిస్తూ ప్రత్యేకత చాటుకుంటున్నాడు. కాగా నేడు నందమూరి బాలకృష్ణ పుట్టిన రోజు సంధర్భంగా ఆయన ట్విట్టర్ వేదికగా శుభాకాంక్షలు తెలియజేశారు. బాలకృష్ణ ఆయురారోగ్యాలతో సంతోషంగా ఉండాలని, షష్ఠి పూర్తి మాదిరి వందేళ్ల వేడుక కూడా జరుపుకోవాలని కోరుకున్నారు. ఈ ట్వీట్ ప్రస్తుతం అటు పరిశ్రమ వర్గాలతో పాటు, నందమూరి మరియు మెగా అభిమానుల మధ్య చర్చనీయాంశంగా మారింది. దీనికి కారణం కొద్దిరోజులుగా వీరి మధ్య నడుస్తు వివాదమే.
చిత్ర పరిశ్రమకు సంబంధించి చిరంజీవి అధ్యక్షతన తెలంగాణా గవర్నమెంట్ తో జరిగిన కొన్ని కీలక సన్నివేశాలకు బాలయ్యను పిలవలేదు. ఈ విషయంలో వీరి మధ్య రగిలిన వివాదం అనేక ఆరోపణలకు దారితీసింది. బాలయ్యను పిలవకపోవడంపై ఆయన తీవ్ర వాఖ్యలు చేశారు. ఈ విషయంలో పరోక్షంగా చిరంజీవిని ఉద్దేశించి బాలయ్య ఆరోపణలు చేయగా వీరి మధ్య అంతరం మరింత పెరిగింది అని అందరూ అనుకున్నారు. ఐతే చిరంజీవి పరిశ్రమలో ఇలాంటివి సాధారణమే, అని భావించారేమో బాలయ్యకు బర్త్ డే విషెష్ చెప్పారు.
ఇక మనసులో బాలయ్య విషయంలో చిరుకు ఎలాంటి అభిప్రాయం ఉన్నా, హుందాగా స్పందించి ఆయనకు పుట్టిన రోజు శుభాకాంక్షలు చెప్పారు. ఇక దీనిపై బాలయ్య ఫ్యాన్స్ కొంచెం ఆనందంగానే ఉన్నారు. చిరు ఫ్యాన్స్ మాత్రం అవసరమా అంటున్నారు. మరి చిరంజీవి విషెస్ కి బాలకృష్ణ తిరిగి కృతఙ్ఞతలు తెలుపుతారో లేదో. బాలకృష్ణకు కేవలం పేస్ బుక్ అకౌంట్ మాత్రమే ఉంది. ట్విట్టర్ లేదు కాబట్టి ఆయన రియాక్షన్ మనకు తెలియకపోవచ్చు.
Most Recommended Video
మేకప్ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్మగల్ వందాల్’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
