అధికారికంగా ప్రకటించిన 15 సీక్వెల్స్ లిస్ట్..!

గత రెండు, మూడేళ్లుగా ప్రతి సినిమాకి చివర్లో ఓ సస్పెన్స్ ఎలిమెంట్ పెట్టేసి దానికి సీక్వెల్ ఉన్నట్టు హింట్ ఇస్తున్నారు. అయితే సినిమా హిట్ అయితే సీక్వెల్ పనులు మొదలవుతున్నాయి. లేదంటే లేదు. ఇంకా కొన్ని హిట్ సినిమాలకి బిజినెస్ కోసం అనుకుంట సీక్వెల్స్ అనౌన్స్ చేస్తున్నారు. సరే ఆ విషయాలు పక్కన పెట్టేసి.. ఇప్పటివరకు అధికారికంగా ప్రకటించిన 15 సీక్వెల్స్ లిస్ట్ ను ఓ లుక్కేద్దాం రండి :

1) పుష్ప 2(పుష్ప : ది రూల్) :

అల్లు అర్జున్ – సుకుమార్ కాంబినేషన్లో రూపొందిన ‘పుష్ప'(పుష్ప : ది రైజ్) మూవీ బ్లాక్ బస్టర్ అయ్యింది. అల్లు అర్జున్…ని పాన్ ఇండియా స్టార్ ను చేయడమే కాకుండా అతనికి నేషనల్ అవార్డు కూడా తెచ్చిపెట్టింది. ఈ సినిమాకి పార్ట్ 2 ఉంటుంది అని ముందుగానే ప్రకటించారు. 2024 ఆగస్టు 15న ‘పుష్ప 2’ రిలీజ్ కాబోతుంది.

2) సలార్ 2 (సలార్ పార్ట్ 2 : శౌర్యాంగ పర్వం) :

ప్రభాస్ – ప్రశాంత్ నీల్ కాంబినేషన్లో ‘సలార్'(సలార్ : సీజ్ ఫైర్) సినిమా వచ్చింది. అది సూపర్ హిట్ అయ్యింది. 2025 లో పార్ట్ 2 కూడా రాబోతుంది అని మేకర్స్ ముందుగానే ఫిక్స్ చేశారు.

3) దేవర 2 :

ఎన్టీఆర్ – కొరటాల శివ కాంబినేషన్లో ‘జనతా గ్యారేజ్’ తర్వాత ‘దేవర'(దేవర పార్ట్ 1 ) రాబోతుంది. రెండో పార్ట్ కూడా ఉంటుంది అని ముందుగానే అనౌన్స్ చేసిన సంగతి తెలిసిందే.

4) జై హనుమాన్ :

సంక్రాంతికి రిలీజ్ అయిన ‘హనుమాన్’ మూవీ ఎంత పెద్ద సక్సెస్ అందుకుందో అందరికీ తెలుసు. దీనికి రెండో భాగంగా ‘జై హనుమాన్’ రాబోతుంది అని ప్రశాంత్ వర్మ ముందుగానే ప్రకటించాడు.

5) అఖండ 2 :

బాలయ్య – బోయపాటి కాంబినేషన్లో హ్యాట్రిక్ మూవీగా ‘అఖండ’ వచ్చింది. అది పెద్ద సక్సెస్ అందుకుంది. దీనికి సీక్వెల్ గా ‘అఖండ 2’ కూడా రాబోతుంది అని మేకర్స్ ముందుగానే ప్రకటించారు.

6) టిల్లు స్క్వేర్ :

2022 లో వచ్చిన ‘డీజె టిల్లు’ బ్లాక్ బస్టర్ గా నిలిచింది. దీనికి సీక్వెల్ గా ‘టిల్లు స్క్వేర్’ రాబోతుంది.

7) డబుల్ ఇస్మార్ట్ :

‘ఇస్మార్ట్ శంకర్’ కి సీక్వెల్ గా ‘డబుల్ ఇస్మార్ట్’ రాబోతుంది అని దర్శకుడు పూరి జగన్నాథ్ ముందుగానే ప్రకటించారు. మార్చి నెలలో ఆ సినిమా రిలీజ్ కానుంది.

8) గూఢచారి 2 :

అడివి శేష్ హీరోగా వచ్చిన ‘గూఢచారి’ బ్లాక్ బస్టర్ అయ్యింది. దీని సీక్వెల్ ను వినయ్ కుమార్ శిరిగినీడి డైరెక్ట్ చేస్తున్నాడు.ప్రస్తుతం షూటింగ్ జరుగుతుంది. 2025 సంక్రాంతికి ఈ సినిమా రిలీజ్ అయ్యే ఛాన్సులు ఉన్నాయి.

9) హిట్ 3 :

హిట్ 1, హిట్ 2 సూపర్ హిట్ అయ్యాయి. ‘హిట్ 3’ కూడా అనౌన్స్ చేశారు. త్వరలోనే ఈ ప్రాజెక్టు కూడా మొదలుకానుంది.

10) బింబిసార 2 :

కళ్యాణ్ రామ్ హీరోగా తెరకెక్కిన ఈ సినిమా బ్లాక్ బస్టర్ అయ్యింది. దీనికి సెకండ్ పార్ట్ కూడా ఉండబోతుంది అని ముందుగానే ప్రకటించారు. అనిల్ పాదూరి సెకండ్ పార్ట్ ను డైరెక్ట్ చేయనున్నాడు.

11) ప్రాజెక్ట్ Z :

సందీప్ కిషన్ హీరోగా రూపొందిన ఈ సినిమా మంచి సక్సెస్ అందుకుంది. సెకండ్ పార్ట్ త్వరలోనే రాబోతుంది.

12) గీతాంజలి మళ్ళీ వచ్చింది :

అంజలి ప్రధాన పాత్రలో తెరకెక్కిన ‘గీతాంజలి’ మంచి సక్సెస్ అందుకుంది. కొంచెం గ్యాప్ తర్వాత ఈ సినిమాకి సెకండ్ పార్ట్ రాబోతుంది.

13) శతమానం భవతి నెక్స్ట్ పేజీ :

శర్వానంద్ హీరోగా దిల్ రాజు నిర్మాణంలో రూపొందిన ‘శతమానం భవతి’ సక్సెస్ అందుకుంది. ఇక దీనికి సీక్వెల్ గా శతమానం భవతి నెక్స్ట్ పేజీ రాబోతుంది. 2025 సంక్రాంతికి ఈ సినిమా రానుంది.

14) కాంతారా 2 :

2022 చివర్లో వచ్చిన ‘కాంతార’ ఎంత పెద్ద సక్సెస్ అయ్యిందో అందరికీ తెలుసు. దానికి సీక్వెల్ కూడా రాబోతుంది. ఆల్రెడీ గ్లింప్స్ కూడా రిలీజ్ అయ్యింది.

15) జైలర్ 2 :

రజినీకాంత్ హీరోగా నెల్సన్ దిలీప్ కుమార్ కాంబినేషన్లో వచ్చిన ‘జైలర్’ (Jailer) బ్లాక్ బస్టర్ అయ్యింది. దీనికి సీక్వెల్ గా ‘జైలర్ 2’ కూడా రాబోతుంది అని చిత్ర బృందం ప్రకటించింది. ఇటీవల దీనిపై అప్డేట్ కూడా ఇచ్చి కన్ఫర్మ్ చేసింది.