Devara: దేవర ఈవెంట్ గెస్ట్ విషయంలో కన్ఫ్యూజన్ కు కారణమిదే!

యంగ్ టైగర్ జూనియర్ ఎన్టీఆర్  (Jr NTR)   కొరటాల శివ (Koratala Siva)  కాంబినేషన్ లో తెరకెక్కుతున్న దేవర (Devara)  సినిమాపై అంచనాలు అంతకంతకూ పెరుగుతుండగా ఓవర్సీస్ లో అడ్వాన్స్ బుకింగ్స్ తో ఈ సినిమా 1 మిలియన్ డాలర్ల కలెక్షన్లను సొంతం చేసుకునే అవకాశాలు అయితే కనిపిస్తున్నాయి. మరోవైపు దేవర మూవీ ప్రీ రిలీజ్ ఈవెంట్ కు గెస్ట్ ఎవరనే చర్చ ప్రస్తుతం సోషల్ మీడియా వేదికగా జోరుగా జరుగుతోంది. త్వరలో దేవర మూవీ ప్రీ రిలీజ్ ఈవెంట్ జరగనుండగా ఈ ఈవెంట్ కు మహేష్ బాబును (Mahesh Babu)  గెస్ట్ గా పిలవాలని తారక్ భావిస్తున్నట్టు తెలుస్తోంది.

Devara

మహేష్ బాబు కొరటాల శివ మధ్య మంచి బాండింగ్ ఉండగా ఈ కాంబినేషన్ లో తెరకెక్కిన శ్రీమంతుడు (Srimanthudu) , భరత్ అనే నేను (Bharat Ane Nenu) సినిమాలు బాక్సాఫీస్ వద్ద సక్సెస్ సాధించాయనే సంగతి తెలిసిందే. అయితే మహేష్ బాబు ఈ ఈవెంట్ కు గెస్ట్ గా హాజరు కావాలంటే జక్కన్న (S. S. Rajamouli)  అనుమతి కావాలని తెలుస్తోంది. జక్కన్న అనుమతి ఇచ్చేవరకు దేవర గెస్ట్ విషయంలో కన్ఫ్యూజన్ కొనసాగే అవకాశాలు అయితే ఉన్నాయి.

మహేష్ బాబు ఈ ఈవెంట్ కు హాజరైతే రాజమౌళి సినిమాకు సంబంధించిన అప్ డేట్స్ కోసం ఫ్యాన్స్ నుంచి డిమాండ్ వ్యక్తమయ్యే అవకాశాలు అయితే ఉన్నాయి. మహేష్ ప్రస్తుతం జక్కన్న ప్రాజెక్ట్ కే పరిమితం కాగా ఈ సినిమాపై అంచనాలు అంతకంతకూ పెరుగుతున్నాయి. దేవర ప్రీ రిలీజ్ ఈవెంట్ డేట్ కు సంబంధించి అతి త్వరలో క్లారిటీ రానుంది. మరోవైపు మరికొన్ని గంటల్లో దేవర ట్రైలర్ రిలీజ్ కానుంది.

దేవర మూవీ ట్రైలర్ కోసం అభిమానులు కళ్లు కాయలు కాచేలా ఎదురుచూస్తున్నారు. దేవర ట్రైలర్ తో సినిమాపై అంచనాలు సైతం భారీగా పెరుగుతాయని కామెంట్లు వినిపిస్తున్నాయి. కొరటాల శివ ఖాతాలో మరో సక్సెస్ చేరేలా దేవర ఉండనుందని ఇండస్ట్రీ వర్గాల్లో వినిపిస్తోంది. పోస్ట్ ప్రొడక్షన్ పనుల్లో బిజీగా ఉండటం వల్ల కొరటాల శివ ఈ సినిమా ప్రమోషన్స్ లో పాల్గొనే అవకాశాలు తక్కువగా ఉన్నాయి.

‘ఎక్స్‌’ కోసం వెంకటేశ్‌ ఫ్రెండ్‌ కూడా.. ఆయన నటించడం పక్కానా?