పెద్ద సినిమాల పాసు తీస్తున్న కరోనా సెకండ్‌ వేవ్‌

సినిమా అంటే కథ, కథనం, హీరోలు, దర్శకులు, నిర్మాతలు అని లెక్క చెప్పేయొచ్చు కానీ. వీటన్నింటి వెనుక కనిపించని, ముఖ్యమైన పదార్థం ఒకటి ఉంది. అది సినిమాకే కాదు, నిజ జీవితంలో కూడా చాలా కీలకమైనది. అదేంటో మీకు అర్థమయ్యే ఉంటుంది. ఇంకేముంది డబ్బు. పైన చెప్పుకున్నవి, ఇంకా కొన్ని కుదిరినా డబ్బు కుదరకపోతే సినిమా ముందుకెళ్లదు. అయితే డబ్బుతో పాటు ఇంకొకటి ముడిపడి ఉంటుంది అదే వడ్డీ. ఇదీ డబ్బే కానీ… చూస్తుండగానే కొండలా పెరిగిపోయే బండ ఇది.

చిన్న సినిమా అయినా, పెద్ద సినిమా అయినా నిర్మాత జేబు నుండి డబ్బులు తీసి పెట్టడు అనేది అందరికీ తెలిసిన విషయమే. ఎక్కడో దగ్గర వడ్డీకి తెచ్చి పెడతాడు. పెద్ద హీరోల సినిమా అయితే ఈ అప్పు చాలా ఎక్కువ ఉంటుంది. అందుకే వీలైనంత త్వరగా సినిమా తీసి, అప్పుడు తెచ్చిన దగ్గర తిరిగి చెల్లించేసి లాభాలు పొందాలనుకుంటున్నాడు. అయితే కరోనా వీటికి బాగా గండికొట్టింది. తొలి విడత కరోనా సమయంలో చాలా మంది నిర్మాతలు ఇలా వడ్డీకి తెచ్చిన డబ్బులు తిరిగి చెల్లించడంతో ఇబ్బంది పడ్డారు. అప్పు పుట్టక ఇంకా బాధపడ్డారు.

అంతా కుదురుకుంది అనుకుని మళ్లీ అప్పు తెచ్చి సినిమా తీద్దాం అనుకుంటుండగా, కరోనా సెకండ్‌ వేవ్‌ వచ్చింది. దీంతో వరుసగా హీరోలకు అడ్వాన్స్‌లు ఇచ్చి, దర్శకులకు డబ్బులిచ్చి మొదలుపెట్టారు. ఇప్పుడు మళ్లీ చిత్రీకరణలు ఆగిపోయాయి. హీరోల సొంత నిర్మాణ సంస్థలు అయినా, డబ్బు అప్పుగా తెచ్చిందే కదా. కాబట్టి వాళ్లకూ నష్టమే. ఇప్పుడు టాలీవుడ్‌లో ఇలాంటి సినిమాలు చాలా ఉన్నాయి. వాటన్నింటికీ కరోనా ఇబ్బంది పెడుతోంది. సినిమాలు విడుదల చేయలేక, అప్పులకు వడ్డీలు పెరిగిపోతుండటం, బీపీలు పెంచుతోంది.

ప్రస్తుతం టాలీవుడ్‌లో చూస్తే చిరంజీవి ‘ఆచార్య2, బాలకృష్ణ ‘అఖండ’, వెంకటేశ్‌ ‘నారప్ప’, ‘ఎఫ్‌ 3’, తారక్‌ – రామ్‌చరణ్‌ ‘ఆర్‌ఆర్‌ఆర్‌’, ప్రభాస్‌ ‘రాధే శ్యామ్‌’ పెద్ద సినిమాలు. వీటికి బడ్జెట్‌ ఎక్కువ అనీ అందరికీ తెలిసిందే. అయితే సినిమా విడుదల తేదీలు వాయిదాలు పడుతుండటంతో అప్పుల వడ్డీలు అమాంతం పెరిగిపోతుంటాయి. మిగిలిన హీరోల సినిమాలకూ వడ్డీలు పడుతున్నాయి. దీంతో నిర్మాతలు తలలు పట్టుకుంటున్నారు. సినిమాకు అడ్వాన్స్‌లు ఇచ్చి కొబ్బరికాయ కొడితే పెద్ద ఇబ్బందేం లేదు. ఎందుకంటే పెద్ద ఎక్కువ అప్పు తెచ్చి ఉండదు. అయితే సినిమా మొత్తం అయిపోయి గుమ్మడికాయ కొడదాం అనుకుంటే ఆగిపోతే అప్పు వడ్డీ పీకకు చుట్టుకుంటుంది మరి.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!