అప్పుడే వివాదాలు మొదలయ్యాయి…!

హిందీలో మంచి క్రేజ్ సంపాదించుకున్న ‘బిగ్ బాస్’ షో ను తెలుగు, తమిళ భాషల్లో కూడా ప్రారంభించారు. ఇప్పటికే రెండు సీజన్లు పూర్తి చేసుకుని ఇప్పుడు మూడో సీజన్ కు కూడా రెడీ అయ్యింది. ఇక ఈ షో వల్ల ఇప్పటికే చాలా వివాదాలు తలెత్తాయి. హౌస్ లోపల ఉండే కంటెస్టెంట్స్ తో పాటు.. సోషల్ మీడియాలో కూడా నెటిజన్లు తెగ వివాదాలు పెట్టుకుంటూ ఉంటారు. ఇదిలా ఉంటే ఇప్పుడు ‘బిగ్ బాస్’ పై మరో కేసు నమోదయ్యింది. అయితే మన తెలుగు ‘బిగ్ బాస్’ పై కాదు తమిళ ‘బిగ్ బాస్’ పై కేసు నమోదయ్యింది.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

కమల్ హాసన్ హోస్ట్ గా తమిళ బిగ్ బాస్ సీజన్ 3 మొదలవ్వబోతుంది. మొదటి రెండు సీజన్లకి కూడా ఈయనే హోస్ట్ గా వ్యవహరించిన సంగతి తెలిసిందే. ప్రస్తుతం ఈ షోకి సంబంధించిన ప్రోమోలు కూడ సిద్ధం చేస్తున్నారు. త్వరలోనే ‘బిగ్ బాస్3’ మొదలుకానుంది. అయితే ‘ఈ షో తీరు సరిగాలేదని, అందులో పాల్గొనేవారు పొట్టి దుస్తుల్లో ఉంటూ, వారు వ్యవహరించే తీరు పిల్లలను తప్పుదోవ పట్టించేలా ఉంటుందని.. కాబట్టి ఆ కార్యక్రమాన్ని ఆపాలని’ కోరుతూ ఒక కేసు నమోదయ్యింది. కోర్టు కూడా ఈ షో కి సంబందించిన సెన్సార్ కార్యక్రమాలకు వీలుపడుతుందా అనే విషయం పై షో నిర్వాహకులతో చర్చిస్తుందట. మరి చివరికి ఏం జరుగుతుందో చూడాలి..!