CPI Narayana, Nagarjuna: నాగార్జునపై షాకింగ్ కామెంట్స్ చేసిన సీపీఐ నారాయణ!

September 9, 2022 / 02:00 PM ISTByFilmy Focus

Join Us

CPI Narayana, Nagarjuna: నాగార్జునపై షాకింగ్ కామెంట్స్ చేసిన సీపీఐ నారాయణ!

టాలీవుడ్ స్టార్ హీరోలలో ఒకరైన నాగార్జున అటు వెండితెరపై ఇటు బుల్లితెరపై సక్సెస్ ఫుల్ గా కెరీర్ ను కొనసాగిస్తున్నారు. నాగార్జున హోస్ట్ గా బిగ్ బాస్ షో సీజన్6 తాజాగా ప్రారంభమైన సంగతి తెలిసిందే. అయితే నాగార్జునపై, బిగ్ బాస్ షోపై గతంలో తీవ్రస్థాయిలో విమర్శలు చేసిన సీపీఐ నారాయణ తాజాగా మరోసారి నాగ్ పై, బిగ్ బాస్ షోపై విమర్శలు చేశారు. బిగ్ బాస్ షో గురించి తాను చేసిన కామెంట్ల విషయంలో కట్టుబడి ఉన్నానని ఆయన అన్నారు.

తాను బిగ్ బాస్ షో గురించి ప్రస్తావిస్తూ మహిళలను కించపరిచానని సోషల్ మీడియాలో ప్రచారం జరుగుతోందని ఆయన చెప్పుకొచ్చారు. కళాకారులపై నాకు గౌరవం ఉందని నన్ను బ్లాక్ మెయిల్ చేయడం ఎవరి తరం కాదని నారాయణ కామెంట్లు చేశారు. సినిమా రంగం అంటే కేవలం నాగార్జున మాత్రమే కాదని ఆయన కామెంట్లు చేశారు. నాగార్జునకు చిరంజీవికి నక్కకు నాగలోకానికి ఎంత తేడా ఉందో అంత తేడా ఉందని ఆయన తెలిపారు.

నాగార్జున డబ్బుల కోసం బిగ్ బాస్ రియాలిటీ షోకు హోస్ట్ గా చేస్తున్నారని చిరంజీవి ప్రజారోగ్యం కొరకు కోట్ల రూపాయలు ఇస్తామని చెబుతున్నా యాడ్స్ లో నటించడానికి దూరంగా ఉన్నారని ఆయన చెప్పుకొచ్చారు. సీపీఐ నారాయణ కామెంట్ల విషయంలో భవిష్యత్తులో నాగార్జున రియాక్ట్ అవుతారేమో చూడాల్సి ఉంది. ఆయన కామెంట్లకు నాగ్ ధీటుగా బదులివ్వాలని నాగ్ ఫ్యాన్స్ చెబుతున్నారు.

బిగ్ బాస్ షోకు హోస్ట్ గా వ్యవహరించడం తప్పెలా అవుతుందని మారుతున్న కాలానికి అనుగుణంగా సీపీఐ నారాయణ మారాల్సిన అవసరం ఉందని నెటిజన్లు కామెంట్లు చేస్తున్నారు. షోకు హోస్ట్ గా వ్యవహరించినంత మాత్రాన నాగ్ పై ఈ స్థాయిలో విమర్శలు చేయడం తగదని ఫ్యాన్స్ చెబుతున్నారు. నాగార్జున విషయంలో చేసిన కామెంట్లను సీపీఐ నారాయణ వెనక్కు తీసుకోవాలని అభిమానులు కోరుకుంటున్నారు.