Devara: దేవర సీక్వెల్ లో ఆ పాత్ర మరణం వెనుక అసలు ట్విస్ట్ ఇదేనా?

September 28, 2024 / 06:20 PM ISTByFilmy Focus

Join Us

దేవర (Devara) సినిమా థియేటర్లలో విడుదలై తొలిరోజే రికార్డ్ స్థాయిలో కలెక్షన్లను సొంతం చేసుకుంది. దేవర సినిమాకు మిక్స్డ్ టాక్ వినిపిస్తున్నా ప్రతి పెద్ద సినిమాకు మిక్స్డ్ టాక్ సాధారణమని ఈ విషయంలో టెన్షన్ అవసరం లేదని ఫ్యాన్స్ చెబుతున్నారు. సెకండాఫ్ విషయంలో మరిన్ని జాగ్రత్తలు తీసుకుని ఉంటే దేవర మూవీ రేంజ్ మరింత పెరిగేదని సోషల్ మీడియా వేదికగా కామెంట్లు వినిపిస్తున్నాయి. అయితే దేవర సీక్వెల్ లో వర పాత్ర ప్రధానంగా ఉండబోతుందని తెలుస్తోంది.

Devara

దేవర 1 క్లైమాక్స్ లో ఒక పాత్ర మరణానికి ఆ పాత్రే తనను చంపాలని కోరుకోవడం కారణమై ఉండవచ్చని కామెంట్లు వినిపిస్తున్నాయి. మరోవైపు దేవర సీక్వెల్ లో మరో విలన్ ఉంటాడా? భైరా పాత్రకు ఎలాంటి ముగింపు ఉంటుంది? అనే చర్చ సైతం సోషల్ మీడియా వేదికగా జరుగుతుండటం నెట్టింట హాట్ టాపిక్ అవుతోంది. దేవర సినిమాకు సంబంధించి కొరటాల శివ (Koratala Siva) రాసుకున్న కథనం బాగానే ఉందని అయితే స్క్రిప్ట్ విషయంలో కొన్ని లోపాలు ఉన్నాయని అభిప్రాయాలు వ్యక్తమవుతున్నాయి.

మరిన్ని సినిమా వార్తలు.

జాన్వీ కపూర్ (Janhvi Kapoor) పాత్రను చూపించిన విధానం ఎక్కువమంది అభిమానులకు నచ్చట్లేదు. ఆ పాత్రను ఒకింత పవర్ ఫుల్ గా రాసి ఉంటే బాగుండేదని సోషల్ మీడియా వేదికగా కామెంట్లు వినిపిస్తున్నాయి. దర్శకుడు కొరటాల శివ దేవర సినిమాతో పాస్ మార్కులు వేయించుకున్నారని చెప్పవచ్చు. సెకండాఫ్ ను కూడా ఫస్టాఫ్ లెవెల్ లో తెరకెక్కించి ఉంటే దేవరకు యునానిమస్ పాజిటివ్ టాక్ వచ్చేది.

దేవర సినిమాకు ఈరోజు, రేపు బుకింగ్స్ బాగానే ఉన్నాయి. దేవర ఫస్ట్ వీకెండ్ కలెక్షన్లతో 250 కోట్ల రూపాయల మార్క్ ను క్రాస్ చేసే ఛాన్స్ అయితే ఉందని కామెంట్లు వ్యక్తమవుతున్నాయి. దేవర సినిమా రాబోయే రోజుల్లో ఎలాంటి రికార్డులను క్రియేట్ చేస్తుందో చూడాలి.