స్టార్ హీరో ఎన్టీఆర్ (Jr NTR) నటించిన ‘దేవర’ (Devara) సినిమా ఈరోజు రిలీజ్ అయ్యింది. అర్ధరాత్రి నుండే తెలుగు రాష్ట్రాల్లోనూ, విదేశాల్లోనూ ప్రీమియర్ షోలు పడ్డాయి. టికెట్ల కోసం అభిమానులు పడని కష్టాలు అంటూ ఏమీ లేవు. చాలా కాలం తర్వాత ‘దేవర’ రూపంలో ఓ పెద్ద సినిమా ప్రేక్షకుల ముందుకు వచ్చింది. ఈ మధ్య కాలంలో థియేటర్లకు వెళ్లడం చాలా మంది తగ్గించారు. అందువల్ల సింగిల్ స్క్రీన్స్ కొన్ని మూతపడే పరిస్థితి కూడా వాటిల్లింది.
మరోపక్క థియేటర్ కి వెళ్లడం తగ్గించిన వారు సైతం ‘దేవర’ చూసేందుకు ఎగబడుతున్నారు.అంతా బాగుంది అనుకుంటున్న టైంలో.. కొన్ని ఘోరమైన సంఘటనలు కూడా చోటు చేసుకుంటున్నాయి. ఉదయం ఎవరో గుర్తు తెలియని వ్యక్తులు.. ఎన్టీఆర్ ఫ్లెక్సీలు తగలబెట్టేశారు. ‘నెగిటివ్ టాక్ రావడం వల్ల.. ఫ్రస్ట్రేషన్లో ఎన్టీఆర్ అభిమానులే అలా చేశారు అంటూ వాళ్ళు నెగిటివ్ కామెంట్స్ చేయడం జరిగింది.
మరోపక్క ‘దేవర’ సినిమా చూస్తూ ఒక అభిమాని గుండెపోటుతో మరణించాడు. కడప జిల్లాలో ఉన్న అప్సర థియేటర్లో ఈ విషాదం చోటు చేసుకుంది. మస్తాన్ వలీ అనే ఎన్టీఆర్ వీరాభిమాని.. ‘దేవర’ సినిమా చూస్తూ.. ఎలివేషన్ సీన్స్ వద్ద కేకలు గట్టిగా వేశాడట. ఈ క్రమంలో అతనికి గుండెపోటు రావడంతో కుప్పకూలిపోయినట్టు తెలుస్తుంది.
చిన్న వయసులోనే అతను ఇలా మరణించడం చాలా విషాదకరం. ఎన్టీఆర్ అభిమానులు సైతం.. ఈ విషయమై చాలా హర్ట్ అవుతున్నారు. సోషల్ మీడియాలో ఈ వార్త ఇప్పుడు వైరల్ గా మారింది. మరి ఎన్టీఆర్.. మస్తాన్ వలీ మృతి పై స్పందించి అతని కుటుంబానికి అండగా నిలబడతారేమో చూడాలి.
Home