డిసెంబరులో సినిమానా.. ఏంటీ రిజల్ట్‌ తేడా కొడుతుందేమో.. అనుకునేవారు గతంలో టాలీవుడ్‌లో. అంతగా డిసెంబరు రిలీజ్‌లు అంటే వెనక్కి తగ్గేవారు. అయితే గత కొన్నేళ్లుగా పరిస్థితి మారింది. డిసెంబరులో సినిమాల విడుదలకు మన నిర్మాతలు ముందుకొస్తున్నారు. డిసెంబరు ఆఖరులో వస్తే సంక్రాంతి వరకు థియేటర్లలో ఉండొచ్చు అనుకుంటున్నారు. అలా ఈ ఏడాది డిసెంబరులో కూడా వరుస సినిమాలున్నాయి. వారానికో సినిమా బాక్సాఫీసు దగ్గర అదృష్టం పరీక్షించుకోబోతున్నాయి.
* రవితేజ – త్రినాధరావు నక్కిన కాంబినేషన్‌లో సిద్ధమవుతున్న సినిమా ‘ధమాకా’. శ్రీలీల కథానాయికగా నటిస్తున్న ఈ సినిమాను డిసెంబర్ 23న సినిమాను విడుదల చేస్తారని తెలుస్తోంది. త్వరలో దీనిపై క్లారిటీ వస్తుంది అంటున్నారు.
* బాలకృష్ణ – గోపీచంద్‌ మలినేని సినిమా కూడా డిసెంబరులోనే రిలీజ్‌ చేస్తారు అంటున్నారు. సంక్రాంతి బరిలో సినిమాను నిలపాలని బాలయ్య అనుకుంటున్నా డిసెంబరుకే మైత్రీ మూవీ మేకర్స్‌ ఓటేస్తోందట. దీంతో డిసెంబరు ఫస్ట్‌ హాఫ్‌లో సినిమా తీసుకొస్తారని సమాచారం.
* కల్యాణ్‌ రామ్‌ – రాజేంద్ర రెడ్డిల సినిమా కూడా డిసెంబరు బరిలోనే ఉంది. డిసెంబరు 8 లేదా 9న ఈ సినిమాను విడుదల చేయాలని చూస్తున్నారు. ఇటీవలే చిన్న అప్‌డేట్‌ ఇచ్చి సినిమా పూర్తయిపోయింది అని కూడా చెప్పారు.
* నాని నిర్మాణంలో అడివి శేష్‌ చేస్తున్న సినిమా ‘హిట్‌ 2’. ఈ పాటికే సినిమా విడుదలవ్వాల్సి ఉన్నా.. వివిధ కారణాల వల్ల ఆలస్యమైంది. డిసెంబరులో సినిమాను విడుదల చేయాలని నిర్ణయం తీసుకున్నారట.
* ధనుష్‌ తొలి తెలుగు సినిమా ‘సర్‌’ని కూడా డిసెంబరు బరిలో నిలపాలని చూస్తున్నారు. వెంకీ అట్లూరి తెరకెక్కిస్తున్న ఈ చిత్రంపై మంచి అంచనాలే ఉన్నాయి.
అయితే ఇక్కడో విషయం గుర్తుంచుకోవాలి. ఇందులో ఏవేవీ ఫైనల్‌గా బరిలో నిలుస్తాయి అనేది మిగిలిన సినిమాల తేదీల మీద ఆధారపడి ఉంటుంది. మరోవైపు ఇవే మొత్తం డిసెంబరు సినిమాలు కాదు. ఇంకా కొన్ని చిన్న సినిమాలు సిద్ధమవుతున్నాయి. ఈ లెక్కన డిసెంబరు అయితే బిజీగా ఉంటుంది. మరి విజయం ఎవరికి దక్కుతుంది అనేది చూడాలి.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
