Devara: దేవర: మరోసారి రంగంలోకి ఎన్టీఆర్!

టాలీవుడ్ మాస్ హీరో ఎన్టీఆర్(Jr NTR) నటించిన ‘దేవర’ (Devara) సినిమా ఇప్పుడు జపాన్ బాక్సాఫీస్‌ను షేక్ చేసేందుకు సిద్ధమవుతోంది. కొరటాల శివ (Koratala Siva) దర్శకత్వంలో తెరకెక్కిన ఈ పాన్ ఇండియా యాక్షన్ డ్రామా, గత ఏడాది సెప్టెంబర్‌లో తెలుగు, తమిళ, హిందీ భాషల్లో విడుదలై బ్లాక్‌బస్టర్‌గా నిలిచింది. జాన్వీ కపూర్  (Janhvi Kapoor)  హీరోయిన్‌గా నటించిన ఈ సినిమాలో అనిరుధ్ రవిచందర్ అందించిన సంగీతం కూడా ప్రేక్షకులను మాయ చేసింది. ఇప్పుడు అదే జోష్ తో జపాన్ ఆడియన్స్‌ను ఆకట్టుకునేందుకు మూవీ టీమ్ రంగంలోకి దిగింది.

Devara

తెలుగు సినిమాలు జపాన్ ప్రేక్షకుల్లో విశేషమైన క్రేజ్ సంపాదించుకున్నాయి. రాజమౌళి (S. S. Rajamouli) ‘ఆర్ఆర్ఆర్’ (RRR) సినిమా ఆ దేశంలో అన్‌స్టాపబుల్ రన్ ఇచ్చిన తర్వాత, బాహుబలి (Baahubali), ముత్తు (Muthu), త్రి ఇడియట్స్ (3 Idiots) వంటి సినిమాలు కూడా టాప్ గ్రాస్‌ర్లుగా నిలిచాయి. ఇప్పుడు ఆ జాబితాలో ‘దేవర’ కూడా చేరాలనే ఉద్దేశ్యంతో, నిర్మాతలు మార్చి 28న జపాన్‌లో ఈ సినిమాను విడుదల చేసేందుకు సన్నాహాలు చేస్తున్నారు. ఈ ప్రచారంలో భాగంగా ఎన్టీఆర్ ముందే ప్రమోషన్స్‌లో అడుగుపెట్టాడు.

వర్చువల్ ఇంటర్వ్యూలతో జపాన్ మీడియా సర్కిల్‌లో హైప్ క్రియేట్ చేస్తున్నాడు. సినిమాకు సంబంధించిన ఇంటరెస్టింగ్ ఫ్యాక్ట్స్, తన పాత్ర విశేషాలు, షూటింగ్ అనుభవాలను షేర్ చేస్తూ జపాన్ ఆడియన్స్‌ను ఆకర్షిస్తున్నాడు. ఎన్టీఆర్ జపాన్‌లో కూడా మంచి ఫ్యాన్ బేస్ కలిగి ఉండటం వల్ల, ఈ ప్రయత్నం సినిమాకు మరింత బలాన్ని ఇస్తుందని సినీ విశ్లేషకులు అభిప్రాయపడుతున్నారు. అయితే, జపాన్‌లో హాలీవుడ్ సినిమాలు, అనిమేలు, కొరియన్ సినిమాలు మంచి స్థానం సంపాదించినప్పటికీ, ఇక్కడికి చేరే ఇండియన్ సినిమాలు కూడా పెద్ద విజయాలను సాధిస్తున్నాయి.

‘ఆర్ఆర్ఆర్’ తరువాత జపాన్‌లో టాప్ గ్రాసర్‌గా నిలిచిన సినిమా ఇప్పటికీ ‘ముత్తు’ కావడం గమనార్హం. ఈ నేపథ్యంలో ‘దేవర’ ను కూడా ఆ లెవెల్‌కి తీసుకెళ్లాలని ఎన్టీఆర్ పట్టుదలతో ఉన్నాడు. చివరగా, ప్రమోషన్స్‌ను మరింత ముమ్మరంగా చేయడం కోసం, ఎన్టీఆర్ మార్చి 22న స్వయంగా జపాన్ వెళ్లనున్నట్లు సమాచారం. అక్కడ స్పెషల్ స్క్రీనింగ్, ఫ్యాన్ మీటింగ్, ప్రెస్ మీట్‌లను ప్లాన్ చేస్తున్నారు.