Devi Sri Prasad, Allu Arjun: క్షమాపణలు కోరిన దేవిశ్రీ ప్రసాద్.. ఏం జరిగిందంటే?

August 15, 2022 / 12:34 PM ISTByFilmy Focus

Join Us

Devi Sri Prasad, Allu Arjun: క్షమాపణలు కోరిన దేవిశ్రీ ప్రసాద్.. ఏం జరిగిందంటే?

ఐకాన్ స్టార్ అల్లు అర్జున్ దేవిశ్రీ ప్రసాద్ కాంబినేషన్ లో వచ్చిన ప్రతి సినిమా మ్యూజికల్ హిట్ గా నిలిచిందనే సంగతి తెలిసిందే. బన్నీ సినిమా అంటే దేవిశ్రీ ప్రసాద్ ప్రత్యేక శ్రద్ధ చూపిస్తారని ఇండస్ట్రీలో టాక్ ఉంది. బన్నీపై దేవిశ్రీ ప్రసాద్ కు ఏ స్థాయిలో అభిమానం ఉందో దేవిశ్రీ ప్రసాద్ కు కూడా బన్నీపై అదే స్థాయిలో అభిమానం ఉంది. అయితే తాజాగా బన్నీ అభిమానులకు దేవిశ్రీ ప్రసాద్ సారీ చెప్పారు.

దేవిశ్రీ ప్రసాద్ ఈ విధంగా క్షమాపణలు కోరడానికి ముఖ్యమైన కారణమే ఉంది. ఈ నెల 2వ తేదీన దేవిశ్రీ ప్రసాద్ పుట్టినరోజు కాగా ఆరోజు అల్లు అర్జున్ తన ట్విట్టర్ ఖాతా ద్వారా దేవిశ్రీ ప్రసాద్ కు పుట్టినరోజు శుభాకాంక్షలు తెలియజేశారు. అయితే సోషల్ మీడియాలో యాక్టివ్ గా లేని దేవిశ్రీ ప్రసాద్ ఆ ట్వీట్ ను చూసుకోలేదు. తాజాగా ఆ ట్వీట్ ను చూసిన డీఎస్పీ ఆ ట్వీట్ ను రీట్వీట్ చేయడంతో పాటు బన్నీ అభిమానులను క్షమాపణలు కోరారు.

పుష్ప సినిమా కోసం అదరగొట్టే ఆల్బమ్ సిద్ధమవుతోందని ఆ ఆల్బమ్ ను కూడా ఐకానిక్ గా మారుద్దామని దేవిశ్రీ ప్రసాద్ బన్నీ ట్వీట్ కు బదులిచ్చారు. పుష్ప2 గురించి డీఎస్పీ పాజిటివ్ గా ట్వీట్ చేయడంతో బన్నీ అభిమానుల ఆనందానికి అవధులు లేకుండా పోయాయి. దేవిశ్రీ ప్రసాద్ పుష్ప 2 సినిమాతో పాటు పలు క్రేజీ ప్రాజెక్ట్ లకు మ్యూజిక్ అందిస్తున్నారు. దేవిశ్రీ ప్రసాద్ జాబితాలో రంగరంగ వైభవంగా, మెగా 154 ఉన్నాయి.

వరుసగా మెగా హీరోల ప్రాజెక్ట్ లతో దేవిశ్రీ ప్రసాద్ బిజీగా ఉండటం గమనార్హం. ఒక్కో ప్రాజెక్ట్ కు దేవిశ్రీ ప్రసాద్ 3.5 కోట్ల రూపాయల నుంచి 4 కోట్ల రూపాయల రేంజ్ లో తీసుకుంటున్నారు. గత నెలలో విడుదలైన ది వారియర్ సినిమాకు కూడా దేవిశ్రీ ప్రసాద్ మ్యూజిక్ డైరెక్టర్ అనే సంగతి తెలిసిందే. ఈ సినిమా ఆశించిన స్థాయిలో సక్సెస్ సాధించకపోయినా పాటలు మాత్రం హిట్టయ్యాయి.