కోలీవుడ్ స్టార్ హీరోలను ఇప్పుడు తెలుగు ఇండస్ట్రీకి తీసుకొస్తున్నారు. ఇప్పటికే విజయ్ హీరోగా వంశీ పైడిపల్లి ఓ సినిమాను రూపొందిస్తున్నారు. దీన్ని దిల్ రాజు నిర్మిస్తున్నారు. అలానే సూర్యతో తెలుగు స్ట్రెయిట్ సినిమా చేయాలని దిల్ రాజు ప్లాన్ చేస్తున్నారు. ఇదిలా ఉండగా.. కోలీవుడ్ స్టార్ హీరో ధనుష్ హీరోగా ఓ తెలుగు సినిమా రాబోతుంది. శేఖర్ కమ్ముల దీన్ని డైరెక్ట్ చేయబోతున్నారు. అయితే రీసెంట్ గా ధనుష్ మరో సినిమా ఓకే చేసినట్లు సమాచారం.
తెలుగు ఇండస్ట్రీకి చెందిన ఓ యంగ్ డైరెక్టర్ ఇటీవల ధనుష్ కి పూర్తి స్క్రిప్ట్ ను వినిపించినట్లు తెలుస్తోంది. కథ నచ్చడంతో ధనుష్ నటించడానికి ఓకే చెప్పేశాడట. ఓ భారీ ప్రొడక్షన్ హౌస్ ఈ ప్రాజెక్ట్ ను చేపట్టనుంది. ఇదే గనుక నిజమైతే ధనుష్ తెలుగులోనే బ్యాక్ టు బ్యాక్ రెండు సినిమాలు చేసే ఛాన్స్ ఉంది. శేఖర్ కమ్ముల సినిమాను పాన్ ఇండియా రేంజ్ లో తెరకెక్కిస్తున్నారు. మరి ఈ సినిమాను కూడా అలానే రూపొందిస్తారో లేదో చూడాలి.
ఇక ఈ రెండు సినిమాల్లో దేన్ని ముందుగా మొదలుపెడతారనేది ప్రశ్నగా మారింది. ఎందుకంటే శేఖర్ కమ్ముల దగ్గర స్క్రిప్ట్ రెడీగా లేదు. కేవలం లైన్ చెప్పి ధనుష్ ని ఒప్పించారు. ఇప్పుడు స్క్రిప్ట్ రెడీ చేస్తున్నారు. కానీ ఈ యంగ్ డైరెక్టర్ దగ్గర మాత్రం స్క్రిప్ట్ సిద్ధంగా ఉంది. మరేం జరుగుతుందో చూడాలి!
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
Home