టాలీవుడ్ డైరెక్టర్ శేఖర్ కమ్ముల కోలీవుడ్ స్టార్ హీరో ధనుష్ తో ఒక సినిమాను తెరకెక్కించనున్నట్టు ఇప్పటికే ప్రకటన వెలువడిన సంగతి తెలిసిందే. ఈ సినిమాలో హీరోయిన్ గా సాయిపల్లవి నటించనున్నారని కమ్ముల ధనుష్ కాంబినేషన్ ను సాయిపల్లవి సెట్ చేశారని ఇండస్ట్రీ వర్గాల్లో వినిపిస్తోంది. తెలుస్తున్న సమాచారం ప్రకారం శేఖర్ కమ్ముల మల్టీస్టారర్ గా ఈ సినిమాను తెరకెక్కించనున్నారు. ఈ మూవీలో పోలీస్ ఆఫీసర్ రోల్ ఉంటుందని కోలీవుడ్ లేదా టాలీవుడ్ కు చెందిన స్టార్ హీరో ఈ సినిమాలో నటించనున్నారని సమాచారం.
పోలీస్ ఆఫీసర్ పాత్ర సినిమాలో తక్కువ సమయమే ఉన్నా సినిమాకు హైలెట్ కానుందని తెలుగు, తమిళ, హిందీ భాషలకు సుపరిచితమైన హీరోను ఈ పాత్ర కోసం తీసుకోవాలని శేఖర్ కమ్ముల భావిస్తున్నట్టు సమాచారం. శేఖర్ కమ్ముల పలువురు స్టార్ల పేర్లను పరిశీలిస్తుండగా త్వరలో ఈ సినిమాలో నటించే మరో స్టార్ హీరోకు సంబంధించి స్పష్టత రానుంది. ఈ మూవీ సెట్స్ పైకి రావడానికి చాలా సమయం పట్టే అవకాశాలు ఉన్నాయి.
ధనుష్ ప్రస్తుతం ఇప్పటికే గ్రీన్ సిగ్నల్ ఇచ్చిన సినిమాలతో బిజీగా ఉన్నారు. శేఖర్ కమ్ముల డైరెక్షన్ లో తెరకెక్కిన లవ్ స్టోరీ మూవీ రిలీజ్ కావాల్సి ఉంది. పాన్ ఇండియా మూవీగా మూడు భాషల్లో ఈ సినిమా తెరకెక్కనుండటం గమనార్హం. ఈ సినిమాకు ధనుష్ ఏకంగా 50 కోట్ల రూపాయల పారితోషికం తీసుకుంటున్నారని తెలుస్తోంది. ఈ సినిమాకు దర్శకుడు శేఖర్ కమ్ముల కూడా భారీగానే పారితోషికం తీసుకోనున్నారని సమాచారం.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home