Sneha Reddy, Allu Arjun: బన్నీకి స్నేహారెడ్డి నిజంగానే అలాంటి షరతులు విధించారా?

స్టార్ హీరో అల్లు అర్జున్ పుష్ప ది రూల్ సినిమా కోసం ఏకంగా రెండున్నర సంవత్సరాల సమయం కేటాయిస్తున్న సంగతి తెలిసిందే. త్వరలో థియేటర్లలో రిలీజ్ కానున్న ఈ సినిమా కోసం ఫ్యాన్స్ ఆసక్తిగా ఎదురుచూస్తున్నారు. ఆగష్టు నెల 15వ తేదీన ఈ సినిమా థియేటర్లలో రిలీజ్ కానుండగా రిలీజ్ డేట్ విషయంలో ఎలాంటి మార్పు ఉండదని మైత్రీ నిర్మాతల నుంచి క్లారిటీ వచ్చేసింది. పుష్ప ది రైజ్ ను మించి పుష్ప ది రూల్ ఉండబోతుందని బన్నీ, ఫహద్ ఫాజిల్ పాత్రల మధ్య వచ్చే సీన్లు నెక్స్ట్ లెవెల్ లో ఉండబోతున్నాయని కామెంట్లు వినిపిస్తున్నాయి.

అయితే బన్నీ గురించి ఒక షాకింగ్ రూమర్ సోషల్ మీడియా వేదికగా తెగ వైరల్ అవుతోంది. యానిమల్ సినిమాతో అభిమానుల హృదయాలను గెలుచుకున్న త్రిప్తి డిమ్రీతో బన్నీ నటించకూడదని స్నేహారెడ్డి కోరినట్టు వార్తలు వినిపిస్తున్నాయి. అయితే వైరల్ అవుతున్న వార్తలను విన్న ఇండస్ట్రీ వర్గాలు, సినీ అభిమానులు ఈ రూమర్ కు సంబంధించి ఆశ్చర్యపోతున్నారు.

ఇది సిల్లీ రూమర్ అని చెబుతున్నారు. స్నేహారెడ్డి (Sneha Reddy) అలాంటి షరతులు విధించరని కామెంట్లు చేస్తున్నారు. ఎవరో కావాలని ఈ తరహా ప్రచారం చేస్తున్నారని ఫ్యాన్స్ నుంచి కామెంట్లు వ్యక్తమవుతూ ఉండటం గమనార్హం. మరోవైపు పుష్ప2 తర్వాత బన్నీ సినిమాలకు సంబంధించి క్లారిటీ రావాల్సి ఉంది.

గీతా ఆర్ట్స్ బ్యానర్ లో బోయపాటి శ్రీను ఒక సినిమా చేస్తున్నట్టు వార్తలు వినిపిస్తుండగా ఆ సినిమాలో హీరోగా అల్లు అర్జున్ నటిస్తారా? లేక మరో హీరో నటిస్తారా? అనే ప్రశ్నలకు సంబంధించి జవాబు దొరకాల్సి ఉంది. బన్నీ బోయపాటి శ్రీను కాంబినేషన్ లో తెరకెక్కిన సరైనోడు మూవీ బ్లాక్ బస్టర్ హిట్ గా నిలిచిన నేపథ్యంలో ఈ కాంబినేషన్ లో మరో మూవీ వచ్చినా ఆశ్చర్యపోవాల్సిన అవసరం లేదు.

‘గుంటూరు కారం’ లో ఆకట్టుకునే డైలాగులు ఇవే.!

‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!