తెరపైన అలరించే హీరోలు, హీరోయిన్లకు ఎక్కువ సంఖ్యలో అభిమానులు ఉంటారు. ఫ్యాన్స్ తమ అభిమానాన్ని రకరకాలుగా వ్యక్తపరుస్తుంటారు. స్టార్స్ పుట్టిన రోజుల్లో రక్తదానాలు, అన్నదానాలు చేస్తుంటారు. కొందరు అంతకు మించి చేస్తుంటారు. ఆలా ఇప్పటి వరకు హీరోలకు విగ్రహాలను నెలకొల్పినవారిని, హీరోయిన్లకు గుడులు కట్టించినవారిని చూసాం. తాజాగా ఇప్పుడు తెరవెనుక ఉండే హీరోకి అభిమానులు విగ్రహాన్ని ఏర్పాటుచేశారు. సుత్తిలేకుండా సూటిగా విషయాన్నీ చెప్పే డైరక్టర్ పూరి జగన్నాథ్ కి తెలుగు రాష్ట్రాల్లో వీరాభిమానులు ఉన్నారు.
సిద్దిపేట జిల్లా చిగురుమామిడి మండలం కొండాపూర్‌ గ్రామానికి చెందిన ప్రభాకర్‌ అనే అభిమాని సొంత ఖర్చులతో పూరి జగన్నాథ్ విగ్రహాన్ని ఏర్పాటు చేశాడు. ఆ విగ్రహాన్ని ఆదివారం పూరి కుమారుడు ఆకాశ్‌ ఆవిష్కరించాడు. ప్రస్తుతం పూరి జగన్నాథ్ నందమూరి బాలకృష్ణ ని దర్శకత్వం చేస్తున్నారు. ఈ క్రేజీ కాంబినేషన్లో తెరకెక్కుతున్న మూవీ సెప్టెంబర్ 28 న రిలీజ్ కానుంది.
Also, do SUBSCRIBE to our YouTube channel to get latest Tollywood updates.
