టాలీవుడ్ స్టార్ ప్రొడ్యూసర్ దిల్ రాజుకి పవర్ స్టార్ పవన్ కళ్యాణ్ తో సినిమా చేయాలని కల. కానీ ఆయన రాజకీయాల్లో బిజీ అవ్వడంతో కుదరలేదు. అయితే పవన్ తిరిగి సినిమాల్లో నటించాలని నిర్ణయించుకున్నప్పుడు దిల్ రాజు ముందుగా ‘వకీల్ సాబ్’ సినిమా కోసం పవన్ ని లాక్ చేశారు. రీసెంట్ గా విడుదలైన ఈ సినిమా భారీ విజయాన్ని అందుకుంది. సినిమా రిలీజ్ సమయంలో థియేటర్లో దిల్ రాజు పేపర్లు విసురుతూ తెగ రచ్చ చేశారు. నిర్మాతగా కంటే పవన్ కళ్యాణ్ అభిమానిగా ఆయన సినిమాను ఎంజాయ్ చేశారు.
‘వకీల్ సాబ్’ సినిమాతో భారీ లాభాలను అందుకున్న దిల్ రాజు.. ఇప్పుడు పవన్ కళ్యాణ్ తో మరో సినిమా చేయాలని ప్లాన్ చేస్తున్నాడు. ఇప్పటికే పవన్ ను సంప్రదించినట్లు తెలుస్తోంది. ‘వకీల్ సాబ్’ రిజల్ట్ తో పవన్ కూడా దిల్ రాజుతో మరో సినిమా చేయడానికి అంగీకరించాడట. దీనికోసం పవన్ కి భారీ అడ్వాన్స్ కూడా ఇచ్చినట్లు తెలుస్తోంది. ప్రస్తుతం పవన్ కళ్యాణ్ వరుస సినిమాలను లైన్ లో పెట్టడంతో దిల్ రాజు సినిమా ఎప్పుడు మొదలవుతుందనేది చెప్పలేని పరిస్థితి.
అయితే దిల్ రాజు మాత్రం పవన్ కి సరిపడా కథను, దర్శకుడికి వెతికే పనిలో పడ్డాడట. అన్నీ కుదిరితే ఈ ప్రాజెక్ట్ కు సంబంధించిన అధికార ప్రకటన రానుంది. ప్రస్తుతం పవన్ కళ్యాణ్ ‘అయ్యప్పనుమ్ కోశియుమ్’ రీమేక్ తో పాటు.. క్రిష్ దర్శకత్వంలో ‘హరిహర వీరమల్లు’ సినిమాలో నటిస్తున్నాడు. ఈ రెండు సినిమాల తరువాత హరీష్ శంకర్, సురేందర్ రెడ్డి లాంటి దర్శకులతో సినిమాలు మొదలుపెట్టనున్నాడు. ఇలా చూసుకుంటే దిల్ రాజు-పవన్ సినిమా 2022 చివర్లో కానీ.. 2023లో కానీ మొదలయ్యే ఛాన్స్ ఉంది.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home