Dil Raju: ‘ఇరుముడి’ వివాదాన్ని స్మార్ట్ గా సైడ్..కి నెట్టిన దిల్ రాజు

దిల్ రాజు టాలీవుడ్ స్టార్ ప్రొడ్యూసర్స్ లో ఒకరు. గతంలో సక్సెస్ఫుల్ సినిమాలు నిర్మించారు. ఇటీవల కాలంలో దిల్ రాజు నిర్మించిన సినిమాలు అన్నీ ఫ్లాప్ అయ్యాయి. దీంతో ట్రేడ్ సర్కిల్స్ లో దిల్ రాజు(Dil Raju) బ్రాండ్ కి కూడా డిమాండ్ తగ్గింది. ఈ క్రమంలో ఓ స్ట్రాంగ్ హిట్ కొట్టి కంబ్యాక్ ఇవ్వాల్సిన అవసరం ఆయనపై ఎక్కువగానే ఉంది. మరోవైపు ఎఫ్ డి సి చైర్మెన్ గా కూడా బాధ్యతాయుతమైన పదవిలో కొనసాగుతున్నారు. ఇలాంటి టైమ్లో కూడా బిజినెస్ వ్యవరాల్లో ఆయన విమర్శలు ఫేస్ చేయాల్సి వస్తోంది.

Dil Raju

ముఖ్యంగా దిల్ రాజు డిస్ట్రిబ్యూటర్ గా రిలీజ్ చేసే సినిమాలు ఆయనకి ఎప్పటికప్పుడు కొత్త తలనొప్పులు తెస్తూనే ఉన్నాయి. ఇటీవల ‘ఇరుముడి’ రిలీజ్ అయ్యింది. సూపర్ హిట్ అయ్యింది. ఇప్పటికీ విజయవంతంగా థియేటర్లలో రన్ అవుతోంది. అయితే ఈ సినిమా రిలీజ్ అయిన 6 రోజులకే ‘టాక్సిక్’ రిలీజ్ అయ్యింది. యష్ నటించిన సినిమా కావడంతో రిలీజ్ కి ముందు ఈ సినిమాపై భారీ అంచనాలు ఏర్పడ్డాయి. అందువల్ల తెలుగులో కూడా భారీ స్థాయిలో విడుదల చేయాల్సి వచ్చింది.

ఈ క్రమంలో దిల్ రాజుపై గట్టిగానే ట్రోలింగ్ జరిగింది. ‘డబ్బింగ్ సినిమా కోసం తెలుగు సినిమాని తొక్కేస్తున్నాడు దిల్ రాజు’ అంటూ ఆయనపై ఓ రేంజ్లో విరుచుకుబడ్డారు జనాలు. వాస్తవానికి ‘టాక్సిక్’ అనేది పాన్ ఇండియా సినిమా. ఆగస్టు 26న విడుదల చేస్తున్నట్టు చాలా రోజుల క్రితమే ప్రకటించారు మేకర్స్. అలాంటప్పుడు దిల్ రాజు చేసేది ఏముంటుంది. అతను కాకపోతే వేరే డిస్ట్రిబ్యూటర్ అయినా ‘టాక్సిక్’ ని గ్రాండ్ గా రిలీజ్ చేస్తారు.

కానీ ‘ఇరుముడి’ సినిమా ‘మైత్రి’ వారిది కాబట్టి.. దిల్ రాజు ట్రోలర్స్ కి టార్గెట్ అయ్యారు. అయినప్పటికీ దిల్ రాజు ఈ విషయంలో బ్యాలన్స్ తప్పలేదు. ‘టాక్సిక్’ కి నెగిటివ్ టాక్ వచ్చింది కాబట్టి.. 2వ రోజు నుండే  చాలా వరకు థియేటర్స్ ను ‘ఇరుముడి’కి షేర్ చేశారు. అలాగే నిన్న జరిగిన ‘కూర్మావతార్’ సినిమా ఈవెంట్ కి గెస్ట్ గా వచ్చి ‘ఇరుముడి’ సక్సెస్ టాలీవుడ్ కి కొత్త ఎనర్జీని ఇచ్చిందని హుందాగా చెప్పుకొచ్చారు. అలా ఆ వివాదాన్ని చాలా స్మార్ట్ గా, మెచ్యూర్డ్ గా సైడ్ చేశారు.

ఆ 2 ఏరియాల్లో తప్ప.. మిగిలిన అన్ని చోట్లా స్లీప్ వేసింది