చిత్ర నిర్మాతగా పరిశ్రమతో 15 ఏళ్ల విశేషమైన అనుబంధం కలిగిన దిల్ రాజు.. ప్రస్తుతం ఇండస్ట్రీలోని అగ్ర నిర్మాతల్లో ప్రముఖుడు. ఆల్మోస్ట్ అందరు హీరోలతోనూ సినిమాలు నిర్మించిన దిల్ రాజుకి.. తనకంటూ ఒక వారసుడు లేడే అనే బాధ గట్టిగా ఉండేది. అయితే.. ఇప్పుడు ఆ బాధ నుంచి బయటపడానికి సిద్ధమవుతున్నాడు దిల్ రాజు. ఆయన తన తమ్ముడు మరియు నిర్మాణ భాగస్వామి అయిన శిరీష్ కొడుకు ఆశిష్ ను హీరోగా పరిచయం చేసేందుకు సన్నద్ధమవుతున్నాడు.
“పలుకే బంగారమాయే” అనే టైటిల్ తో తెరకెక్కనున్న ఓ క్యూట్ లవ్ స్టోరీతో ఆశిష్ ను హీరోగా లాంచ్ చేయనున్నామని, ఆల్రెడీ ప్రీప్రొడక్షన్ వర్క్ మొదలైందని, త్వరలోనే సినిమా సెట్స్ కు వెళ్లనుందని దిల్ రాజు ప్రకటించారు. సొ, ఫైనల్ గా దిల్ రాజు సంస్థ నుంచి సినిమాలు మాత్రమే కాకుండా ఒక హీరో కూడా వస్తున్నాడన్నమాట. సొ, కుర్రాడు ఏమాత్రం బాగుంది, నటుడిగా నిరూపించుకోగలిగితే.. అతడ్ని స్టార్ ను చేయడం అనేది దిల్ రాజుకి వెన్నతో పెట్టిన విద్య కాబట్టి ఆశిష్ ఎంత పెద్ద స్టార్ అవుతాడు అనేది వేచి చూడాల్సిందే.
Home