Dil Raju, Chiranjeevi: దిల్‌ రాజు ఈసారి గట్టిగా ప్రయత్నిస్తున్నారట!

July 11, 2022 / 12:36 PM ISTByFilmy Focus

Join Us

Dil Raju, Chiranjeevi: దిల్‌ రాజు ఈసారి గట్టిగా ప్రయత్నిస్తున్నారట!

చిరంజీవితో సినిమా చేయాలి.. చిరంజీవితో సినిమా చేయాలని ఎప్పటి నుండో చూస్తున్నాను. చిరంజీవి ఊ అంటే వెంటనే సినిమా స్టార్ట్‌ చేసేయాలి, చిరంజీవి సినిమా… అంటూ గత కొన్నేళ్లుగా ప్రముఖ నిర్మాత దిల్‌ రాజు అంటూనే ఉన్నారు. దాని కోసం ఆయన చేయని ప్రయత్నం లేదు. మొన్నీ మధ్య ఓ బహిరంగ సభలో మాట్లాడుతూ చిరంజీవి సినిమా గురించి ప్రస్తావించారు దిల్‌ రాజు. అయితే ఈసారి ఆ ప్రయత్నం చాలా గట్టిగా చేస్తున్నారని టాక్‌.

చిరంజీవి డేట్స్‌ ఇవ్వాలి కానీ, వద్దనే నిర్మాత ఉండరు అంటుంటారు. ఆయన సినిమాల మీద పెట్టిన డబ్బు ఈజీగా వెనక్కి వచ్చేస్తుంది అని అంటుంటారు. అయితే అభిమానులు, ప్రేక్షకులకు నచ్చేలా ఆ సినిమా ఉండాలి. అలా ఆలోచించకుండా నేల విడిచి సాము చేసిన ‘ఆచార్య’ సినిమా ఏమైందో చూశాం. అయితే ఈ అన్ని అంశాలను, ఆయన ఇమేజ్‌ను దృష్టిలో పెట్టుకుని ఆరు కథలను సిద్ధం చేయించారట. ఆ ఆరు కాన్సెప్ట్‌లను చిరంజీవి చూసి ఓకే చేస్తే ముందుకు వెళ్లాలని చూస్తున్నారట.

మెగాస్టార్‌ ఓకే అంటే ముందుకొచ్చే దర్శకులు చాలామంది ఉంటారు. దాంతోపాటు దిల్‌ రాజు ఆస్థానంలో పెద్ద దర్శకులు చాలామందే ఉన్నారు. మరి వారి నుండి తీసుకున్న కథలో, లేకే వేరే వాళ్ల దగ్గర నుండి తీసుకున్న కథలో తెలియదు కానీ.. కథలైతే ఆసక్తికరంగా ఉంటాయి అని దిల్‌ రాజు కాంపౌండ్‌ మాట. మరి చిరంజీవి ఏ కథకు ఓటేస్తారో చూడాలి. ఒకవేళ చిరంజీవి ఓకే చేసేస్తే దాని మీద పూర్తి స్థాయిలో కూర్చుని బౌండెడ్‌ స్క్రిప్ట్‌ రెడీ చేస్తారట.

చిరంజీవి సినిమా అంటే బౌండెడ్‌ స్క్రిప్ట్‌ ఉండాలి అంటారు. మొన్నీమధ్య కూడా ఆయన నోట ఆ మాట విన్నాం కూడా. మరిప్పుడు ఈ సినిమా ఓకే అయితే ఎప్పుడు స్టార్ట్‌ చేస్తారు అనేది చూడాలి. ప్రస్తుతం చిరంజీవి ‘గాడ్‌ఫాదర్‌’, ‘భోళా శంకర్‌’, ‘వాల్తేరు వీరయ్య’ సినిమాల్లో నటిస్తున్నాడు. దీని తర్వాత వెంకీ కుడుముల – డీవీవీ దానయ్య సినిమా, రాధికకు చెందిన రాడాన్‌ పిక్చర్స్‌ మీద ఓ సినిమాలు చేయాల్సి ఉంది. మరి దిల్‌ రాజు ఆర్డర్‌ ఎంతో చూడాలి.