ఇటీవల దిల్ రాజు (Dil Raju) ‘ఆర్య 3’ టైటిల్ ని రిజిస్టర్ చేయించారు అనే వార్త బయటకు వచ్చింది. ఇప్పుడు అల్లు అర్జున్ రేంజ్ మారింది. సుకుమార్ రేంజ్ కూడా..! సో వాళ్ళు ‘ఆర్య 3’ చేసే అవకాశం లేదు. దీంతో అంతా ఆ టైటిల్ దిల్ రాజు తమ్ముడు కొడుకు ఆశిష్ కోసం రిజిస్టర్ చేయించి ఉంటారు అని అనుకున్నారు.
కానీ ఆ ఊహాగానాల్లో నిజం లేదు అని తేల్చేశారు దిల్ రాజు. దిల్ రాజు (Dil Raju) మాట్లాడుతూ.. “నేను.. దర్శకుడు సుకుమార్ (Sukumar) కలిసి సరదాగా మాట్లాడుకుంటున్న టైంలో ఓ ఐడియా పుట్టుకొచ్చింది. అది ‘ఆర్య 3’ గా బాగుంటుంది అనిపించింది. అందుకే ఆ టైటిల్ రిజిస్టర్ చేయించి పెట్టుకున్నాం.
‘ఆర్య’ (Arya) అనేది ఓ ట్రెండ్ సెట్టర్. సుకుమార్ (Sukumar) లా ఆ కథని పిచ్చిగా ప్రేమించి ఆవిష్కరించే దర్శకుడు కావాలి. హీరో ఎవరు అన్నది ఇంకా ఫిక్స్ అవ్వలేదు. కానీ ఆశీష్ (Ashish Reddy) కోసమే ఆ టైటిల్ రిజిస్టర్ చేయించాం అనేదాంట్లో నిజం లేదు. కథ పూర్తిగా సెట్ అయ్యాకే హీరో గురించి ఆలోచిస్తాం.
ఐడియా అయితే చాలా బాగుంది“ అంటూ క్లారిటీ ఇచ్చారు. ‘ఆర్య’ కి సుకుమార్ (Sukumar)- బన్నీ (Allu Arjun) ప్రాణం పెట్టారు. వాళ్ళు లేకుండా ‘ఆర్య’ (Arya) ని ఊహించలేం. అంతలా తమ బెస్ట్ ఇచ్చారు. ఆ మ్యాజిక్ ని ‘ఆర్య 2’ తో వాళ్ళు కూడా రిపీట్ చేయలేకపోయారు. సో ‘ఆర్య 3’ ప్రాజెక్టు సెట్ అవ్వడం అంత ఈజీ అయితే కాదు.
